Agħmilha l-​Mira Tiegħek li Tikkonduċi Studju tal-​Bibbja

¹ “Erfgħu għajnejkom u ħarsu lejn l-​għelieqi, kif inhuma bojod għall-​ħsad.” (Ġw. 4:​35) Dan il-​kliem li qal Ġesù Kristu jaqbel eżatt mas-​sitwazzjoni li l-​ministri Kristjani qed jiffaċċjaw illum.

² Nies taʼ qalb sinċiera li jixtiequ jiġu mgħallmin it-​triqat taʼ Ġeħova għadhom jinstabu. Dan hu evidenti mill-​ammont taʼ dixxipli ġodda li qed jitgħammdu kull sena. Jekk int interessat ġenwinament li tikkonduċi studju tal-​Bibbja, x’tistaʼ tagħmel?

³ Agħmel Mira: L-​ewwel, agħmel mira biex tibda u tikkonduċi studju tal-​Bibbja regulari. Żomm din il-​mira f’moħħok waqt li tieħu sehem fis-​servizz taʼ l-​għalqa. Ladarba l-​inkarigu Kristjan tagħna jinvolvi t-​tagħlim, flimkien maʼ l-​ippridkar, ilkoll kemm aħna għandna nfittxu iktar opportunitajiet fix-​xogħol taʼ l-​istudji tal-​Bibbja.​—Mt. 24:14; 28:​19, 20.

⁴ Punti Oħrajn li Għandek Iżżomm f’Moħħok: Talb bil-​ħerqa huwa ħtieġa għall-​pubblikaturi tas-​Saltna. Kultant aħna nsibu nies li jkunu talbu għall-​għajnuna spiritwali. X’barka tkun dik li tiġi użat minn Ġeħova biex issib u tgħallem lil dawn l-​uħud!​—Ħag. 2:7; Atti 10:​1, 2.

⁵ Waħda oħt talbet għal studju tal-​Bibbja, imbagħad fuq il-​post tax-​xogħol poġġiet fejn jidhru xi kopji tal-​fuljett Tixtieq Tkun Taf Iżjed dwar il-​Bibbja? Meta waħda mara ħadet fuljett, qratu, u bdiet timla l-​kupun, l-​oħt marret tkellimha u rnexxielha tibda studju tal-​Bibbja.

⁶ Sħabna l-​pubblikaturi li huma effettivi biex jibdew u jikkonduċu studju tal-​Bibbja jistgħu jgħinuk tilħaq il-​mira tiegħek biex tibda studju tal-​Bibbja. Itlob lil Alla sabiex ibierek l-​isforzi tiegħek li tibda studju tal-​Bibbja, u aħtaf kull opportunità mill-​għajnuna li hemm disponibbli ħalli tilħaq din il-​mira. Min jaf, forsi dalwaqt se tesperjenza l-​ferħ li jiġi meta tikkonduċi studju tal-​Bibbja.