Nikkonduċu Studji tal-​Bibbja Progressivi

L-​Ewwel Parti: X’Inhu Studju tal-​Bibbja?

1 Madwar id-​dinja, kull xahar in-​nies t’Alla qed jikkonduċu madwar sitt miljun studju tal-​Bibbja. Billi nużaw metodi effettivi taʼ tagħlim, nistgħu ngħinu lil dawn l-​istudenti tal-​Bibbja jagħmlu progress li jwassalhom sal-​punt tad-​dedikazzjoni u l-​magħmudija u sabiex isiru “kwalifikati biżżejjed biex jgħallmu lil oħrajn.” (2 Tim. 2:​2, New World Translation) Tixtieq tgħin lill-​istudenti tiegħek jagħmlu progress bħal dan? B’seħħ minn din il-​ħarġa, il-​Ministeru tas-​Saltna se jibda jkun fih serje t’artikli li se jispjegaw aspetti bażiċi taʼ kif nikkonduċu studji tal-​Bibbja progressivi.

2 Meta Għandna Nirrapportaw Studju tal-​Bibbja: Jekk ikollok diskussjonijiet regulari u b’mod sistematiku fuq il-​Bibbja, anki jekk qosra, u tuża l-​Bibbja flimkien mal-​pubblikazzjonijiet rikkmandati, int tkun qiegħed tikkonduċi studju tal-​Bibbja. Dan japplika wkoll jekk l-​istudju tikkonduċih fuq il-​bieb jew fuq it-​telefon. L-​istudju jistaʼ jiġi rapportat meta jkun sar darbtejn wara li tkun urejt lill-​inkwilin kif isir studju u jkun jidher li l-​istudju se jitkompla.

3 Il-browxer X’Jirrikjedi u lktieb Għarfien huma l-​pubblikazzjonijiet li jintużaw sabiex isiru ħafna studji tal-​Bibbja. Wara li dawn jitlestew, u jkun evidenti li l-​persuna tkun qed tagħmel progress, anki jekk bil-​mod, u tkun qed tiżviluppa apprezzament għal dak li tkun qed titgħallem, imbagħad l-​istudju jistaʼ jitkompla permezz tal-​ktieb Qim lil Alla. Il-​browxer Int Tistaʼ Tkun il-​Ħabib t’Alla! jistaʼ jintuża biex tistudja maʼ dawk l-​uħud li għandhom edukazzjoni limitata jew isibuha diffiċli biex jaqraw.

4 Ix-xogħol taʼ li nagħmlu studji tal-​Bibbja kien effettiv ħafna biex jgħin lil miljuni taʼ nies isiru dixxipli taʼ Ġesù Kristu. (Mt. 28:​19, 20) Jekk tapplika s-​suġġerimenti li se jkun hemm fl-​artikli li se joħorġu f’din is-​serje, int tkun tistaʼ tikkonduċi studji tal-​Bibbja progressivi.