Eżempji taʼ Preżentazzjonijiet

Biex tibda studji tal-​Bibbja fl-​ewwel Sibt taʼ Diċembru

“Ladarba hawn daqstant reliġjonijiet li jgħidu li huma veri, kif taħseb li nistgħu nagħrfu l-​waħda l-​vera? [Agħti ċans għal tweġiba.] Innota x’jgħid hawnhekk dwar ftit mill-​affarijiet li jagħmlu l-​qima vera differenti minn oħrajn.” Agħti lill-​inkwilin kopja tal-​ħarġa tat-​Torri tal-​Għassa t’Ottubru-​Diċembru, u aqraw u ddiskutu flimkien il-​materjal taħt it-​tielet mistoqsija f’paġna 16. Aqra mqar waħda mill-​iskritturi. Offri r-​rivisti, u ftiehem biex tmur lura ħalli tikkunsidra t-​tweġiba għall-​mistoqsija li jmiss.

It-Torri tal-Għassa Ottubru-​Diċembru

Uri l-​qoxra tar-​rivista, u għid: “Kieku int kif twieġeb din il-​mistoqsija? [Agħti ċans għal tweġiba.] Ara x’tgħid il-​Bibbja. [Aqra l-​1 Ġwanni 5:19.] Skont dan, ‘il-​Ħażin,’ jew ix-​Xitan, jaħkem lid-​dinja. Imma dan iqajjem xi mistoqsijiet. Ix-​Xitan minn fejn ġie? Huwa persuna reali? Alla għal kemm se jħallih jaħkem? Din ir-​rivista turi x’tgħid il-​Bibbja.”

Stenbaħ! Ottubru-​Diċembru

“Int x’taħseb li hi l-​akbar sfida li jiffaċċjaw il-​ġenituri llum fit-​trobbija tat-​tfal? [Agħti ċans għal tweġiba.] Ħafna ġenituri jistrieħu fuq il-​Bibbja għall-​pariri. Pereżempju, dan il-​kliem għaqli hu t’għajnuna meta wieħed jiddixxiplina lit-​tfal. [Aqra Efesin 4:31.] Din ir-​rivista turi kif il-​pariri tal-​Bibbja jistgħu jgħinu lill-​ġenituri f’kull fażi tat-​trobbija taʼ wliedhom, mill-​infanzja saż-​żgħożija.”