Eżempji taʼ Preżentazzjonijiet

Biex Tibda Studji tal-​Bibbja fl-​Ewwel Sibt taʼ Lulju

“Xi nies jemmnu li l-​Bibbja hija ktieb taʼ profeziji u hi taʼ min joqgħod fuqha. Oħrajn iħossu li fiha tbassir mhux ċar li jistaʼ jiġi interpretat b’ħafna modi differenti. X’inhi l-​opinjoni tiegħek?” Agħti ċans għal tweġiba. Imbagħad agħti lill-​inkwilin kopja tat-​Torri tal-​Għassa taʼ Lulju-​Settembru, u kkunsidraw flimkien il-​materjal taħt l-​ewwel sottitlu f’paġna 16 u minn tal-​inqas waħda mill-​iskritturi. Offri r-​rivisti u agħmel arranġamenti biex tmur lura u tiddiskuti l-​mistoqsija li jmiss.

It-Torri tal-Għassa Lulju-​Settembru

“Hemm ħafna reliġjonijiet u għaqdiet reliġjużi li jħaddnu diversi twemmin u prattiki. Taħseb li kull min isostni li hu Kristjan tassew ikun Kristjan? [Agħti ċans għal tweġiba.] Skont Ġesù, din hija marka waħda li tidentifika lill-​Kristjani veri. [Aqra Ġwanni 13:34, 35.] Din ir-​rivista tiddiskuti ħames stqarrijiet taʼ Ġesù li jgħinuna nidentifikaw lis-​segwaċi veri tiegħu.”

Stenbaħ! Lulju-​Settembru

“Kważi kull min inkellmu ġie trattat b’mod inġust xi darba jew oħra. Taħseb li hemm soluzzjoni għall-​inġustizzja? [Agħti ċans għal tweġiba.] Innota din il-​profezija dwar ħakkiem li se jġib tmiem għall-​inġustizzja. [Aqra Salm 72:11-​14.] Din ir-​rivista tiddiskuti l-​wegħdi tal-​Bibbja dwar futur iktar ġust.”