Eżempji taʼ Preżentazzjonijiet

Biex Tibda Studji tal-​Bibbja fl-​Ewwel Sibt taʼ Lulju

“Ħaġa li għandna komuni hi li lkoll niżbaljaw. Qatt ħsibt dwar jekk Alla jistax jaħfer anke għemil tassew mill-​agħar?” [Agħti ċans għal tweġiba.] Uri l-​artiklu f’paġna 15 tat-​Torri tal-​Għassa taʼ Lulju-​Awwissu, u kkunsidraw flimkien il-​materjal taħt l-​ewwel mistoqsija u minn tal-​inqas waħda mill-​iskritturi ċitati. Offri r-​rivisti, u ftiehem biex tmur lura ħalli tiddiskutu l-​mistoqsija li jmiss.

Nota: Din it-​turija għandha ssir matul il-​laqgħa għas-​servizz tal-​għalqa fis-​6 taʼ Lulju.

It-Torri tal-Għassa Lulju-​Awwissu

“Nixtiequ l-​opinjoni tiegħek fuq dan il-​kliem. [Aqra l-​1 Ġwanni 4:8.] Ħafna wħud jaqblu maʼ dan il-​kliem, imma oħrajn jaħsbu li Alla hu kattiv għax jikkaġuna, jew għall-​inqas jippermetti, id-​diżastri naturali. Int x’jidhirlek dwar dan? [Agħti ċans għal tweġiba.] Din ir-​rivista tiddiskuti raġunijiet loġiċi għala m’għandniex niġġudikaw lil Alla b’mod ħażin u ngħidu li hu kattiv.”

Stenbah! Lulju-​Awwissu

“Nixtiequ l-​opinjoni tiegħek fuq xi ħaġa. Hu naturali li nkunu nixtiequ ħajja aħjar. Taħseb li nistgħu niksbu dan billi nixtru iktar affarijiet materjali? [Agħti ċans għal tweġiba.] Innota din l-​istqarrija profonda taʼ Ġesù. [Aqra Luqa 12:15.] Din ir-​rivista tippreżenta ħarsa bilanċjata lejn l-​affarijiet materjali u toffri suġġerimenti li jgħinuna nikkontrollaw kemm nonfqu.”

Aħbar Tajba Mingħand Alla

“Qed inżuru l-​familji fit-​triq tiegħek biex naqsmu ħsieb inkuraġġanti mill-​Bibbja. Ħafna wħud li tkellimna magħhom jaħsbu dwar għala Alla taʼ mħabba jippermetti tant tbatija fid-​dinja. Taħseb li t-​tbatija kienet parti mill-​iskop oriġinali t’Alla għall-​art?” Agħti ċans għal tweġiba. Imbagħad dur għal lezzjoni 5, u aqra u ddiskuti l-​ewwel żewġ paragrafi u l-​iskritturi miktubin bil-​korsiv. Offri l-​browxer, u agħmel arranġamenti biex tmur lura ħalli tiddiskutu l-​mistoqsija b’tipa grassa li jmiss.