Eżempji taʼ preżentazzjonijiet

Biex tibda studji tal-Bibbja fl-ewwel Sibt taʼ Lulju

“Kif taħseb li jħossu Alla dwar it-​talb tagħna? Taħseb li jqisu taʼ valur jew ma tantx jimpurtah minnu?” Agħti ċans għal tweġiba. Uri l-​aħħar paġna tat-​Torri tal-​Għassa tal-​1 taʼ Lulju, u flimkien ikkunsidraw il-​materjal taħt l-​ewwel mistoqsija u minn tal-​inqas waħda mill-​iskritturi ċitati. Offri r-​rivisti, u ftiehem biex tmur lura ħalli tiddiskutu l-​mistoqsija li jmiss.

It-Torri tal-Għassa 1 taʼ Lulju

“Ladarba Alla jistaʼ kollox, taħseb li hu l-​kaġun tal-​affarijiet ħżiena li jiġru fid-​dinja? [Agħti ċans għal tweġiba u aqra Ġakbu 1:13.] Din ir-​rivista tispjega għala jiġru affarijiet ħżiena u x’se jagħmel Alla biex itemm il-​ħażen u t-​tbatija.”

Stenbaħ! Lulju

“Xi darba jew oħra, kważi kulħadd jgħaddi minn xi tip taʼ traġedja, bħalma huma d-​diżastri naturali, mard li jistaʼ jwassal għall-​mewt, jew il-​mewt taʼ xi ħadd maħbub. Taħseb li hu importanti li nżommu attitudni pożittiva meta jiġru dawn l-​affarijiet? [Agħti ċans għal tweġiba]. Ħafna nies sabu l-​Bibbja t’għajnuna biex ikampaw maʼ traġedji. [Aqra Rumani 15:4.] Din ir-​rivista turi kif il-​Bibbja tistaʼ tgħinna meta ngħaddu minn xi traġedja.”