Aħna Dejjem Xogħol
1. Kif nafu li l-evanġelizzaturi tal-ewwel seklu dejjem qiesu lilhom infushom bħala li kienu xogħol?
1 Evanġelizzaturi żelużi tal-ewwel seklu ddikjaraw l-aħbar tajba “bla heda” kull fejn kien ikun hemm in-nies. (Atti 5:42) Allura ma nistgħux nimmaġinaw li meta kienu jmorru minn dar għal dar kienu jgħaddu minn ħdejn in-nies fit-triq mingħajr ma jippritkawlhom ukoll. Lanqas ma kienu jitilfu opportunità biex jagħtu xhieda informali waqt li kienu jkunu qed jixtru fis-suq wara li jkunu spiċċaw il-ministeru tal-għalqa. Bħal Ġesù, dejjem qiesu lilhom infushom bħala li kienu xogħol.—Mk. 6:31-34.
2. X’jinvolvi li ngħixu fi qbil maʼ isimna?
2 Dejjem Lesti: Isimna, Xhieda taʼ Ġeħova, ma jiddeskrivix x’nagħmlu; jiddeskrivi min aħna. (Is. 43:10-12) Għalhekk, aħna dejjem lesti biex niddefendu t-tama tagħna, anki meta ma nkunux qed inxandru minn dar għal dar. (1 Pt. 3:15) Taħseb int minn qabel x’sitwazzjonijiet jistgħu jqumu biex tkun tistaʼ tagħti xhieda b’mod informali u mbagħad taħseb dwar x’tistaʼ tgħid? Iżżomm xi letteratura miegħek biex taqsamha maʼ dawk li juru interess? (Prov. 21:5) Tipprietka int biss minn dar għal dar, jew taqsam ukoll l-aħbar tajba maʼ nies f’postijiet oħrajn jekk jippermettu ċ-ċirkustanzi?
3. X’inhi l-aħjar kelma biex niddeskrivu l-ippritkar fit-toroq u fejn jipparkjaw il-karozzi, f’ġonna, f’postijiet tan-negozju, u f’postijiet oħrajn?
3 Nagħtu Xhieda “Pubblikament”: L-appostlu Pawlu qal li hu pprietka “pubblikament” u minn dar għal dar. (Atti 20:20) Għalhekk, l-għoti taʼ xhieda “pubblikament” hu terminu xieraq biex nirreferu għall-ippritkar fit-toroq u fejn jipparkjaw il-karozzi, f’ġonna, f’postijiet tan-negozju, u f’postijiet oħrajn. Huwa minnu li l-ministeru minn dar għal dar għadu l-mod primarju u l-iktar effettiv kif nilħqu lin-nies bil-messaġġ tas-Saltna. Madankollu, l-evanġelizzaturi tal-ewwel seklu ffokaw fuq in-nies u mhux fuq id-djar. Ħadu vantaġġ minn kull opportunità biex jitkellmu dwar il-verità—pubblikament, b’mod informali, u minn dar għal dar. Jalla aħna wkoll niffokaw fuq in-nies sabiex inwettqu bis-sħiħ il-ministeru tagħna.—2 Tim. 4:5.