Il-​Websajt Uffiċjali Tagħna—Disinjata għall-​Ġid Tagħna u t’Oħrajn

Ġesù kkmandana biex nippritkaw l-​aħbar tajba tas-​Saltna “fl-​art abitata kollha bħala xiehda lill-​ġnus kollha.” (Mt. 24:14) Sabiex niġu megħjunin ‘inwettqu bis-​sħiħ il-​ministeru tagħna,’ is-​siti watchtower.org, jw-​media.org, u jw.org ġew magħqudin flimkien fil-​websajt jw.org, li għandha dehra ġdida.—2 Tim. 4:5.

“L-​Art Abitata Kollha”: Madwar terz tal-​popolazzjoni tad-​dinja juża l-​Internet. Sar is-​sors ewlieni taʼ informazzjoni għal ħafna wħud, speċjalment għaż-​żgħażagħ. Is-​sit tagħna jagħti lil dawk li jużaw l-​Internet tweġibiet veri għal mistoqsijiet dwar il-​Bibbja. Jintroduċihom mal-​organizzazzjoni taʼ Ġeħova u jagħmilhielhom faċli biex jitolbu għal studju tal-​Bibbja fid-​dar bla ħlas. Dan jgħin biex l-​aħbar tajba tilħaq postijiet fid-​dinja fejn in-​nies għandhom inqas opportunitajiet biex jisimgħu l-​messaġġ tas-​Saltna.

“Lill-​Ġnus Kollha”: Sabiex nagħtu xhieda “lill-​ġnus kollha,” irridu nippreżentaw il-​verità tal-​Bibbja b’lingwi differenti. Dawk li jidħlu fis-​sit jw.org jistgħu faċilment isibu informazzjoni b’madwar 400 lingwa, iktar minn kwalunkwe Websajt oħra.

Agħmel Użu Tajjeb Minnha: Il-​Websajt jw.org b’dehra ġdida mhijiex biss biex nagħtu xhieda lil dawk li ma jemmnux. Ġiet disinjata wkoll biex jużawha x-​Xhieda taʼ Ġeħova. Jekk għandek aċċess għall-​Internet, ninkuraġġuk issir midħla tal-​Websajt jw.org. Dawn li ġejjin huma xi suġġerimenti dwar kif nużawha.

[Dijagramma f’paġna 3]

(Għall-​formazzjoni sħiħa tat-​test, ara pubblikazzjoni)

Ipprovaha

1 Daħħal www.jw.org/mt fejn tikteb l-​indirizz tas-​sit elettroniku fil-​kompjuter tiegħek.

2 Fittex fis-​sit billi tikklikkja fuq it-​titli tas-​sezzjonijiet, l-​għażliet fil-​menù, u l-​ħoloq (links).

3 Ipprova uża jw.org fuq kwalunkwe apparat elettroniku li fuqu għandek l-​Internet. Il-​paġna tadatta waħedha biex toqgħod fuq skrin iżgħar, imma l-​informazzjoni tkun l-​istess.