Uża l-​Websajt jw.org fil-​ministeru tiegħek—“Sir Ħabib taʼ Ġeħova.”

Il-​Websajt jw.org/mt tinkludi żewġ vidjows għat-​tfal bl-​isem “Sir Ħabib taʼ Ġeħova.” Fil-​Websajt bl-​Ingliż issib ukoll vidjows oħra, għanjiet, u attivitajiet. Ipprovajt tuża dawn l-​affarijiet fil-​ministeru? Jekk qed tistudja l-​Bibbja maʼ ġenitur li għandu tfal żgħar, għax ma turihomlux? Għandu mnejn li dan iqanqlu jara iktar affarijiet fil-​Websajt tagħna.

Waqt li ħu kien qed iqassam l-​Aħbar tas-​Saltna Nru. 38, iltaqaʼ maʼ mara li wara li offrielha l-​fuljett, bdiet taqrah mill-​ewwel. Hi kellha tfal żgħar li kienu kurjużi dwar il-​fuljett. Il-​ħu ddiskuta fil-​qosor x’kien fih u ġibdilha l-​attenzjoni lejn l-​indirizz tal-​Websajt li jinsab fuq in-​naħa taʼ wara. Peress li l-​mara wriet interess, hu ħataf l-​opportunità biex isemmaʼ lilha u lil uliedha wieħed mill-​vidjows taʼ Caleb, permezz tal-​mowbajl tiegħu.

Oħt qalet lil kollega tax-​xogħol li għandha tfal żgħar dwar il-​Websajt tagħna u l-​informazzjoni li fiha għall-​familji. Il-​mara daħlet f’jw.org mat-​tfal tagħha. Imbagħad, qalet lill-​oħt li t-​tfal tagħha, huma u jduru ’l hemm u ’l hawn fid-​dar, joqogħdu jkantaw “Xandar l-​Aħbar,” waħda mill-​għanjiet li hemm bl-​Ingliż fis-​serje taʼ “Sir Ħabib taʼ Ġeħova.”

Ikun tajjeb li ssir familjari maʼ din is-​sezzjoni tal-​jw.org, u li tiddawnlowdja xi vidjow, għanja, jew attività fuq l-​apparat elettroniku tiegħek. Imbagħad tkun preparat biex tuża din is-​sezzjoni tal-​jw.org fil-​ministeru. X’għodda mill-​aħjar għandna biex nitjassru għal Mulej!—Atti 20:19.