Eżempji taʼ Preżentazzjonijiet

Biex Tibda Studji tal-​Bibbja fl-​Ewwel Sibt t’April

“Qed inħeġġu lin-​nies biex jaqraw il-​Bibbja tagħhom. Imma ħafna nies iħossu li l-​Bibbja hi diffiċli biex tifhimha. Int hekk tħossok? [Agħti ċans għal tweġiba.] Innota x’hawn miktub hawnhekk.” Uri l-​aħħar paġna tat-​Torri tal-​Għassa taʼ Marzu-​April, u flimkien ikkunsidraw il-​materjal taħt l-​ewwel mistoqsija u minn tal-​inqas waħda mill-​iskritturi ċitati. Offri r-​rivisti, u rranġa biex terġaʼ żżuru ħalli tiddiskuti l-​mistoqsija li jmiss.

It-Torri tal-Għassa Marzu-April

“Nixtiequ l-​opinjoni tiegħek dwar xi ħadd li hu rispettat ferm mill-​Kristjani, mil-​Lhud, kif ukoll mill-​Musulmani. Qed nitkellmu dwar Mosè. X’inhi l-​ewwel ħaġa li tiġik f’moħħok meta tismaʼ ismu? [Agħti ċans għal tweġiba.] Għalkemm għamel xi żbalji, huwa interessanti kif il-​Bibbja tiddeskrivi lil Mosè. [Aqra Dewteronomju 34:10-​12.] Din ir-​rivista tikkunsidra tlieta mill-​kwalitajiet tajbin tiegħu u kif nistgħu nimitawh.”

Stenbaħ! Marzu-April

“Huwa komuni llum il-​ġurnata li n-​nies jemigraw lejn pajjiż ieħor biex isibu ħajja aħjar. Taħseb li dejjem isibu dak li jixtiequ? [Agħti ċans għal tweġiba.] L-​emigrazzjoni mhix xi ħaġa ġdida. Innota dan l-​eżempju fl-​ewwel ktieb tal-​Bibbja. [Aqra Ġenesi 46:5, 6.] Din ir-​rivista teżamina dawn il-​mistoqsijiet.” Uri lill-​inkwilin il-​mistoqsijiet fi tmiem paġna 6.