Eżempji taʼ Preżentazzjonijiet

Biex Tibda Studji tal-​Bibbja fl-​Ewwel Sibt t’April

“Il-​magħmudija hi komuni fost ħafna Kristjani. Int x’taħseb? Taħseb li l-​magħmudija hi importanti? [Agħti ċans għal tweġiba.] Dan l-​artiklu fih xi punti interessanti.” Agħti lill-​inkwilin it-​Torri tal-​Għassa taʼ April-​Ġunju, u flimkien ikkunsidraw il-​materjal taħt l-​ewwel sottitlu f’paġna 16 u minn tal-​inqas aqra waħda mill-​iskritturi. Offri r-​rivisti u ftiehem biex tmur lura u tiddiskuti l-​mistoqsija li jmiss.

It-​Torri tal-​Għassa April-​Ġunju

“Hemm diversi opinjonijiet dwar Ġesù. Xi wħud jaħsbu li kien il-​Messija mwiegħed. Oħrajn tal-​opinjoni li hu kien sempliċement raġel sewwa. Jerġaʼ oħrajn jemmnu li qatt ma eżista. X’inhi l-​opinjoni tiegħek? [Agħti ċans għal tweġiba.] Skont il-​Bibbja, hu importanti li nkunu nafu l-​verità dwaru. [Aqra Ġwanni 17:3.] Din ir-​rivista tagħti t-​tweġibiet tal-​Bibbja għal xi mistoqsijiet komuni dwar Ġesù.”

Stenbaħ! April-​Ġunju

“It-​tixħim, flus minn taħt, u forom oħra taʼ diżonestà saru xi ħaġa komuni fid-​dinja tan-​negozju. Xi wħud iħossu li ċertu ammont taʼ diżonestà hu bżonjuż sabiex tirnexxi. Int x’taħseb? [Agħti ċans għal tweġiba.] Innota dan il-​proverbju li fih x’tomgħod. [Aqra Proverbji 20:17.] Din ir-​rivista tispjega għala hu prattiku li tkun onest.”