Eżempji taʼ Preżentazzjonijiet

Biex Tibda Studji tal-​Bibbja fl-​Ewwel Sibt taʼ Novembru

Aqra Salm 91:14. Imbagħad għid: “Skont dan il-​vers, Alla għandu isem u se jgħin lil dawk li jafu x’jismu. Kif taħseb li nistgħu nsiru nafu x’jismu Alla? [Agħti ċans għal tweġiba.] Innota x’tgħid din ir-​rivista.” Agħti lill-​inkwilin It-​Torri tal-​Għassa taʼ Ottubru-​Diċembru, u kkunsidraw flimkien il-​materjal taħt it-​tieni sottitlu f’paġna 16. Offri r-​rivisti, u agħmel arranġamenti biex tmur lura u tiddiskuti l-​mistoqsija li jmiss.

It-Torri tal-Għassa Ottubru-​Diċembru

“Nixtiequ nitolbu l-​opinjoni tiegħek. Kif taħseb li jistaʼ jkollna ħajja verament taʼ suċċess? [Agħti ċans għal tweġiba.] Innota x’tgħid il-​Bibbja dwar persuna li timxi mal-​Kelma t’Alla. [Aqra Salm 1:3.] Din ir-​rivista tispjega erbaʼ passi li nistgħu nagħmlu biex nieħdu deċiżjonijiet tajbin u jkollna suċċess.” Enfasizza l-​mistoqsijiet f’paġni 28-​29.

Stenbaħ! Ottubru-​Diċembru

“Qatt ħsibt dwar jekk il-​gvernijiet umani humiex se jsolvu l-​problemi li hawn fid-​dinja? [Agħti ċans għal tweġiba.] Innota x’tgħid il-​Bibbja dwar dan. [Aqra Ġeremija 10:23.] Din ir-​rivista tispjega kif Alla diġà għamel arranġamenti biex isolvi l-​problemi tad-​dinja permezz tas-​Saltna tiegħu.” Enfasizza dak li hemm f’paġni 12-​13.