Tistaʼ Tistidinhom?

F’ħafna kongregazzjonijiet hemm pubblikaturi li għandhom sehem limitat fil-​ministeru għax għandhom problemi serji taʼ saħħa jew għax huma avanzati fl-​età. (2 Kor. 4:16) Tistaʼ tistieden lil xi ħadd li għandu ċirkustanzi bħal dawn biex jiġi miegħek fuq studju tal-​Bibbja? Jekk il-​pubblikatur ma jistax joħroġ mid-​dar, forsi tistaʼ saħansitra tikkonduċi l-​istudju fid-​dar tiegħu. Tistaʼ kultant tirranġa biex tieħu miegħek xi pubblikatur li għandu saħħa batuta hekk kif tagħmel xi ftit bibien fil-​ministeru jew xi żjara lura jew tnejn? Ħafna pubblikaturi avanzati fl-​età għandhom ħafna esperjenza fil-​ministeru. Għalhekk, l-​isforzi tiegħek mhux biss se jkunu taʼ inkuraġġiment għalihom imma wkoll int se tibbenefika. (Rum. 1:12) Minbarra dan, Ġeħova se jippremjak għall-​isforzi tiegħek biex turi mħabba b’dan il-​mod.—Prov. 19:17; 1 Ġw. 3:17, 18.