Eżempji taʼ Preżentazzjonijiet

Biex Tibda Studji tal-​Bibbja fl-​Ewwel Sibt t’Ottubru

“Illum qed nagħmlu żjara qasira lill-​ġirien tagħna. Ħafna minn dawk li kellimna qalu li waħda mill-​iktar sitwazzjonijiet diffiċli li kellhom jiffaċċjaw kienet il-​mewt taʼ xi ħadd maħbub. Int hekk tħossok ukoll? [Agħti ċans għal tweġiba.] Dan l-​artiklu sibtu inkuraġġanti.” Uri l-​qoxra taʼ wara tat-​Torri tal-​Għassa tal-​1 t’Ottubru, u flimkien ikkunsidraw il-​materjal taħt l-​ewwel mistoqsija u mqar waħda mill-​iskritturi ċitati. Offri r-​rivisti, u rranġa biex terġaʼ tmur ħalli tiddiskutu l-​mistoqsija li jmiss.

It-​Torri tal-​Għassa 1 t’Ottubru

“Qed inżuru ftit lin-​nies biex inħeġġu l-​qari tal-​Bibbja. Nafu li xi nies tinteressahom il-​Bibbja, filwaqt li oħrajn le. Xi ngħidu għalik? [Agħti ċans għal tweġiba.] Il-​Bibbja tagħmel din l-​istqarrija ċara. [Aqra l-​1 Tessalonikin 2:13.] Jien ċert li taqbel li jekk il-​Bibbja tassew hi ktieb mingħand Alla, allura hi taʼ min jaqraha. Din ir-​rivista tagħti ħarsa fuq fuq taʼ x’fiha l-​Bibbja u titkellem dwar għala għandha tinteressana.”

Stenbaħ! Ottubru

“Nixtieq nismaʼ l-​opinjoni tiegħek dwar din il-​mistoqsija: Taħseb li hu possibbli li nkunu kuntenti jekk ma jkollniex ħafna affarijiet materjali? [Agħti ċans għal tweġiba.] Innota x’tgħid il-​Bibbja. [Aqra l-​1 Timotju 6:8.] Din ir-​rivista tippreżenta ħarsa bilanċjata lejn l-​affarijiet materjali u tiddiskuti tliet affarijiet taʼ valur li ma tistax tixtrihom bil-​flus.”