Eżempji taʼ preżentazzjonijiet

Biex tibda studji tal-Bibbja fl-ewwel Sibt taʼ Ottubru

“Ħafna nies jemmnu fl-​anġli. Inti temmen fihom? [Agħti ċans għal tweġiba.] Bħala ħlejjaq spirti, l-​anġli huma b’saħħithom ħafna. Però, inti taħseb li jistgħu jkunu t’għajnuna għalina? Il-​Bibbja tgħidilna kif jgħinuna llum il-​ġurnata.” Uri l-​qoxra taʼ wara tat-​Torri tal-​Għassa tal-​1 taʼ Settembru, u kkunsidraw flimkien il-​materjal taħt l-​ewwel mistoqsija u minn tal-​inqas waħda mill-​iskritturi ċitati. Offri r-​rivisti, u agħmel arranġamenti biex tiddiskuti l-​mistoqsija li jmiss.

It-Torri tal-Għassa Settembru-Ottubru

“Inti taħseb li l-​bniedem qed jirrovina l-​art għalkollox? [Agħti ċans għal tweġiba.] Għalkemm il-​bniedem mhuwiex kapaċi jsewwi l-​ħsara li huwa stess għamel, il-​Bibbja tgħidilna li Alla, mhux talli jistaʼ, imma jixtieq jagħmel dan. F’​Salmi 65:9 għandna din l-​assiguranza. [Aqra.] Din il-​ħarġa tat-​Torri tal-​Għassa tiddiskuti kif Alla se jieħu ħsieb l-​art u kif aħna nistgħu ngawdu dawn il-​barkiet futuri. Jimporta jekk inħalliha miegħek biex taqraha?”

Stenbaħ! Settembru-Ottubru

“Ħafna wħud iħossu li l-​imgħallem qed iħaddimhom iżżejjed u ma jaraw l-​ebda mod kif jistgħu jaħarbu mill-​pressjoni li dan iġib miegħu. Xi esperti jgħidu li xogħol żejjed jistaʼ jwassal għal li tħossok eżawrit, u dan jistaʼ jikkaġuna ħsara fiżika u emozzjonali. Inti x’taħseb li jistaʼ jgħin lil dak li jkun biex ikollu ħajja bilanċjata? [Agħti ċans għal tweġiba.] Ara dan il-​vers Bibliku taʼ interess. [Aqra Ekkleżjasti 4:6.] Din ir-​rivista tispjega erbaʼ modi prattiċi taʼ kif naġġustaw il-​prijoritajiet tagħna u dawn se jgħinuna jekk inħossuna eżawriti minħabba x-​xogħol żejjed.”