Eżempji taʼ Preżentazzjonijiet

Aħbar tas-​Saltna Nru. 38

“Qed nieħu sehem f’kampanja li qed issir madwar id-​dinja biex inqassam dan il-​messaġġ importanti. Din hi l-​kopja tiegħek.”

Nota: Sabiex inkopru t-​territorju, żomm il-​preżentazzjoni tiegħek qasira. Madankollu, f’xi każi l-​inkwilin għandu mnejn juri interess ġenwin u jkun jixtieq jitkellem. Jekk jiġri hekk, tistaʼ tistaqsi għall-​opinjoni tiegħu dwar il-​mistoqsija li hemm fuq il-​faċċata, taqralu t-​tweġiba tal-​Bibbja kif tidher fuq ġewwa, u tikkunsidra silta mill-​fuljett, skont ma jippermetti l-​ħin. Qabel titlaq, urih il-​mistoqsija “Aħseb Dwar Dan” li qiegħda fuq wara tal-​fuljett u agħmel arranġamenti biex tmur lura ħalli tiddiskutuha.

It-​Torri tal-​Għassa 1 taʼ Novembru

“Fl-​opinjoni tiegħek, liema hi l-​akbar gidba li ntqalet dwar Alla? [Agħti ċans għal tweġiba.] Skont il-​Bibbja, Alla jrid li n-​nies iħobbuh u jafdawh. [Aqra Isaija 41:13.] Din ir-​rivista tikxef tliet gidbiet komuni dwar Alla li għamluha diffiċli għal xi wħud biex jersqu qrib tiegħu.”

Stenbaħ! Novembru

“Qed nagħmlu żjara qasira minħabba li ħafna nies huma inkwetati li l-​valuri morali donnhom qed jisfaw fix-​xejn. Taħseb li s-​soċjetà baxxiet il-​livelli morali tagħha? [Agħti ċans għal tweġiba.] Il-​Bibbja bassret li l-​attitudni u l-​kondotta tan-​nies kienu se jinbidlu. [Aqra t-​2 Timotju 3:1-​5.] Din ir-​rivista tiddiskuti għala nistgħu nafdaw il-​valuri morali li nsibu fil-​Bibbja.”