Uża l-Websajt jw.org fil-ministeru

Il-​Websajt tagħna hija għodda prezzjuża biex tgħinna nxandru l-​aħbar tajba “sa l-​iktar parti mbiegħda taʼ l-​art.” (Atti 1:8) Il-​maġġorparti taʼ dawk li nsibu d-​dar ma jkunux jafu bil-​Websajt tagħna sakemm pubblikatur jurihielhom.

Indokratur li jivvjaġġa ddawnlowdja l-​vidjow Għala għandek tistudja l-​Bibbja? fuq il-​mowbajl tiegħu u jurih maʼ kull ċans li jkollu. Pereżempju, meta jkun fuq il-​bibien, hu jgħid: “Mhux se niħodlok ħafna ħin, imma qed inżur lin-​nies biex ngħinhom isibu t-​tweġibiet għal tliet mistoqsijiet importanti: Id-​dinja għala għandha daqstant problemi? Alla kif se jirranġahom? U kif nistgħu nkampaw sadanittant? Dan il-​vidjow qasir iwieġeb dawn il-​mistoqsijiet.” Imbagħad il-​ħu jibda l-​vidjow u joqgħod jinnota r-​reazzjoni tal-​inkwilin. Il-​vidjow tant hu sabiħ li n-​nies ma jaqilgħux għajnejhom minn fuq l-​iskrin sa ma jispiċċa. Imbagħad l-​indokratur li jivvjaġġa jgħid: “Għadek kif smajt li tistaʼ titlob għal studju tal-​Bibbja minn fuq l-​Internet. Ladarba qiegħed hawn, fi ftit ħin nistaʼ nurik kif isir dan l-​istudju.” Jekk l-​inkwilin jaqbel, l-​indokratur juri kif isir l-​istudju bil-​browxer l-​Aħbar Tajba. Jekk l-​inkwilin ma jkollux ħin, jiftiehem biex jagħmel dan fiż-​żjara li jkun imiss. Meta fil-​brejk imur għal kafè, hu jgħid xi ħaġa simili lil xi ħadd li jkun bilqiegħda viċin tiegħu wara li jaqbad konversazzjoni miegħu. Int qed tuża l-​Websajt jw.org fil-​ministeru?