Intejbu L-​abbiltajiet Tagħna Fil-​ministeru—Inwittu t-​triq għal żjara lura

GĦALA HU IMPORTANTI:

Aħna rridu nsaqqu ż-​żerriegħa tal-​verità li niżirgħu. (1Ko 3:6) Meta nsibu lil xi ħadd li juri interess, ikun tajjeb li nħalluh b’mistoqsija li nkunu nistgħu niddiskutu meta mmorru lura. B’hekk, l-​inkwilin se jkun qed iħares ’il quddiem għaż-​żjara u fl-​istess ħin inkunu qed nissimplifikaw il-​preparazzjoni tagħna għaż-​żjara lura. Meta mmorru lura, nistgħu ngħidulu li rġajna ġejna biex inwieġbu l-​mistoqsija li qajjimna l-​aħħar darba li żornieh.

KIF TAGĦMEL DAN:

• Meta tipprepara l-​preżentazzjoni tiegħek biex tużaha minn dar għal dar, inkludi mistoqsija li tkun tistaʼ tiġi mwieġba d-​darba li jkun imiss. Tistaʼ tkun xi ħaġa li hi mwieġba fil-​letteratura li tkun qed toffri. Jew tistaʼ tkun mistoqsija li hi mwieġba f’waħda mill-​pubblikazzjonijiet tagħna għall-​istudju li beħsiebek toffrilu meta terġaʼ żżuru.

• Meta tikkonkludi l-​konversazzjoni maʼ xi ħadd li juri interess, urih li tixtieq terġaʼ tkellmu u mbagħad ħallih bil-​mistoqsija li tkun ippreparajt li twiġiblu meta terġaʼ żżuru. Jekk ikun possibbli, ikseb xi informazzjoni taʼ kif tistaʼ tikkuntattjah.

• Jekk twiegħdu li se terġaʼ tmur f’xi ħin partikulari, ara li żżomm kelmtek.—Mt 5:37.