Intejbu l-abbiltajiet tagħna fil-ministeru—Inwittu t-triq biex nagħmlu żjara lura

Għala hu importanti: Meta nsibu lil xi ħadd interessat, inkunu rridu mmorrulu lura meta jkun id-​dar ħalli nkunu nistgħu nsaqqu ż-​żerriegħa tal-​verità li nkunu żrajna. (1 Kor. 3:6) Dan spiss jirrikjedi minna li qabel ma nitilqu, inwittu t-​triq biex nagħmlu żjara lura billi nsiru nafu meta nkunu nistgħu nerġgħu nżuruh. Apparti minn hekk, ikun tajjeb li nħalluh b’mistoqsija li nkunu nistgħu niddiskutu d-​darba li jmiss. B’hekk, l-​inkwilin se jkun qed iħares ’il quddiem għaż-​żjara, u jekk it-​tweġiba tkun tinsab fil-​pubblikazzjoni li nkunu ħallejnielu, aktarx li iktar ikun lest li jaqraha. Barra minn hekk, ikun eħfef għalina biex immorru lura meta nħalluh b’mistoqsija għax inkunu nafu fuqiex se nitkellmu, u l-​inkwilin ikun jaf li se mmorru lura. Meta nerġgħu nżuruh, nistgħu nispjegaw li rġajna lura biex inwieġbu l-​mistoqsija li qajjimna fiż-​żjara taʼ qabel, u mbagħad inkomplu bid-​diskussjoni.