“L-imħabba li għandu l-Kristu ġġegħelna.”—2Ko 5:14
GĦIX BĦALA KRISTJAN
Se Taqdi Bħala Pijunier Awżiljarju Matul Marzu Jew April?
Tixtieq tagħmel iżjed fis-servizz taʼ Ġeħova matul iż-żmien tat-Tifkira? (2Ko 5:14, 15) Matul Marzu u April, il-pijunieri awżiljarji jistgħu jagħżlu li jippritkaw minn tal-inqas 30 jew 50 siegħa kull xahar. Jekk tistaʼ tieħu sehem f’din l-attività speċjali, agħti applikazzjoni lill-Kumitat tas-Servizz tal-Kongregazzjoni. Kull xahar, il-kongregazzjoni ssemmi l-ismijiet taʼ dawk li jiġu aċċettati biex jaqdu bħala pijunieri awżiljarji. B’hekk, il-kongregazzjoni tkun tistaʼ tgħin lill-pijunieri fil-ministeru. Jalla lkoll kemm aħna nieħdu vantaġġ minn kull opportunità li jkollna matul iż-żmien tat-Tifkira. B’hekk inkunu nistgħu ntejbu l-abbiltajiet tagħna tal-ippritkar u ninkuraġġixxu lil xulxin.—1Te 5:11.