Ix-​Xogħol taʼ Pijunier

Aħna nużaw l-​enerġija tagħna tajjeb meta nagħmlu miri biex nagħmlu iżjed għal Ġeħova. (1Ko 9:26) Il-​miri jgħinuna nużaw il-​ħin tagħna bl-​aħjar mod fil-​ftit żmien li baqaʼ f’din is-​sistema. (Ef 5:15, 16) Għala ma tagħmilx miri għas-​sena taʼ servizz li ġejja fil-​qima bħala familja? Biex tgħinek, din il-​ħarġa tal-​fuljett għall-​istudju tal-​laqgħa fiha artikli dwar diversi miri li tistaʼ tikkunsidra bit-​talb.—Ġk 1:5.

Pereżempju, tistaʼ l-​familja kollha taħdem flimkien biex tgħin lil imqar persuna waħda ssir pijunier regulari? Jekk m’intix ċert jekk hux se jirnexxilek tlaħħaq is-​sigħat, kellem lil xi pijunieri li għandhom ċirkustanzi bħal tiegħek. (Pr 15:22) Forsi tistaʼ wkoll tintervista lil xi pijunier matul il-​qima bħala familja. Imbagħad ikteb xi skedi li jistaʼ jkollok. Jekk fil-​passat int kont pijunier, aħseb jekk iċ-​ċirkustanzi jippermettulekx tagħmel dan issa.

Jistgħu xi membri tal-​familja tiegħek jagħmlu pijunier awżiljarju għal xahar jew iktar? Jekk m’għandekx ħafna enerġija, int tistaʼ tagħmel pijunier awżiljarju billi tqattaʼ ftit ħin kuljum fil-​ministeru. Jekk m’għandekx biżżejjed ħin biex tmur tipprietka fost il-​ġimgħa għaliex taħdem full-​time jew għadek l-​iskola, forsi tistaʼ tagħżel xahar li fih festa pubblika jew ħames weekends. Fuq kalendarju, immarka meta tippjana li tagħmel pijunier awżiljarju u ikteb skeda.—Pr 21:5.

ARA L-​VIDJOW KUN KURAĠĠUŻ BĦALA . . . PIJUNIER, U MBAGĦAD WIEĠEB DIN IL-​MISTOQSIJA:

• L-​esperjenza taʼ Oħtna Aamand x’tgħallimna dwar kemm Ġeħova bi mħabba jieħu ħsieb dawk li jagħmlu sagrifiċċji bħala pijunieri?