Kif Tuża l-​Eżempji taʼ Konversazzjonijiet

Ħutna jaħdmu iebes biex jippreparaw l-​eżempji taʼ konversazzjonijiet, u ħafna pubblikaturi sabuhom effettivi fit-​territorju tagħhom. Madankollu, ladarba ċ-​ċirkustanzi jvarjaw madwar id-​dinja, il-​pubblikaturi jistgħu jużaw mod differenti jew jiddiskutu suġġett differenti fil-​ministeru tagħhom li se jqanqal l-​interess tan-​nies lokalment. M’għandniex xi ngħidu, kulħadd għandu jsegwi kwalunkwe struzzjoni għal kampanja speċjali. L-​iskop tagħna huwa li nwettqu l-​kmand taʼ Ġesù biex nippritkaw l-​aħbar tajba tas-​Saltna.—Mt 24:14.

Meta jkollhom inkarigu bħala studenti, il-​pubblikaturi għandhom jiddiskutu s-​suġġett tal-​eżempju taʼ konversazzjoni mill-​Fuljett għall-​Istudju tal-​Laqgħa tal-​Ħajja u l-​Ministeru Tagħna. Però, jekk mhux indikat mod ieħor, jistgħu jużaw mistoqsija, skrittura, mistoqsija għall-​konversazzjoni li jmiss, jew sitwazzjoni differenti li se jkunu effettivi għat-​territorju lokali. Dan huwa aġġustament għad-​direzzjoni li dehret f’paġna 8 tal-​ħarġa taʼ Ġunju 2020 tal-​fuljett għall-​istudju tal-​laqgħa.