Kif nibdew konversazzjonijiet bil-fuljetti

Minn Jannar tal-​2018 ’il hawn, l-​ewwel paġna tal-​Fuljett għall-​Istudju tal-​Laqgħa tal-​Ħajja u l-​Ministeru Tagħna kien fiha eżempji taʼ konversazzjonijiet. Ġejna mħeġġin biex niffokaw fuq li naqbdu konversazzjoni man-​nies u mhux sempliċement noffrulhom il-​letteratura. Sabiex il-​pubblikaturi jiġu megħjunin jadattaw il-​metodu tagħhom, il-​vidjows bl-​eżempji taʼ konversazzjonijiet urew kif tinbeda konversazzjoni billi tintuża biss il-​Bibbja. Madankollu, ifisser dan li m’għandniex nużaw letteratura meta nippritkaw minn dar għal dar? Lanqas xejn! Pereżempju, il-​fuljetti jistgħu jkunu effettivi biex tinbeda konversazzjoni. Nistgħu nużaw dan il-​metodu li ġej meta nużaw kwalunkwe wieħed mill-​fuljetti:

1. Staqsi l-​mistoqsija b’għażla taʼ tweġibiet li hemm fuq quddiem.

2. Uri t-​tweġiba tal-​Bibbja billi tuża l-​iskrittura(i) fin-​naħa taʼ fuq tat-​tieni paġna. Jekk il-​ħin jippermetti, aqra u ddiskuti xi informazzjoni minn ġol-​fuljett.

3. Agħti l-​fuljett lill-​inkwilin, u ħeġġu biex meta jkun jistaʼ jkompli jaqrah.

4. Qabel titlaq, urih il-​mistoqsija “Aħseb dwar dan” u ftiehem biex darb’oħra tiddiskutu t-​tweġiba mill-​Bibbja.

Meta terġaʼ tmur, iddiskuti t-​tweġiba u staqsi mistoqsija oħra biex tiddiskutiha d-​darba li jmiss. Tistaʼ tagħżel mistoqsija mill-​websajt tagħna jew mill-​pubblikazzjoni li tissemma fil-​paġna taʼ wara. Meta jkun il-​mument xieraq, introduċi l-​browxer Aħbar Tajba Mingħand Alla! jew pubblikazzjoni oħra li tintuża għall-​istudju minn ġol-​Kaxxa tal-​Għodda tat-​Tagħlim