Kont Taf?

Fiż-​żminijiet tal-​qedem, in-​nies kif kienu jqabbdu n-​nar meta jivvjaġġaw?

F’​ĠENESI kapitlu 22, il-​Bibbja tgħid li Alla qal lil Abraham biex jivvjaġġa lejn post ’il bogħod mid-​dar tiegħu ħalli joffri sagrifiċċju. Tgħid: “Abraham qabad il-​ħatab taʼ l-​offerta tal-​ħruq u għabbieh fuq ibnu Iżakk u ħa f’idejh in-​nar u s-​sikkina tal-​biċċiera, u t-​tnejn li huma telqu flimkien.”—Ġenesi 22:6.

Il-​Bibbja ma tispjegax kif in-​nies fiż-​żminijiet tal-​qedem kienu jqabbdu n-​nar. Allura, Abraham u Iżakk qabbdu n-​nar u mbagħad ġarrew din il-​fjamma magħhom? Kummentatur tal-​Bibbja qal li fjamma x’aktarx ma setgħetx “serviet tul il-​vjaġġ twil kollu.” Minflok, jistaʼ jkun li Abraham u ibnu ħadu magħhom dak kollu li kien se jkollhom bżonn biex iqabbdu n-​nar.

Iżda oħrajn jgħidu li dak iż-​żmien ma kienx faċli biex tqabbad in-​nar. Allura kull meta kien possibbli, in-​nies kienu jqabbdu n-​nar billi jieħdu faħma taħraq minn ġo nar jaqbad, forsi taʼ xi ġar tagħhom. Ħafna studjużi jemmnu li Abraham ħa faħam jaħraq minn ġo nar jaqbad qabel il-​vjaġġ tiegħu. Setaʼ tefgħu ġo kontenitur, forsi f’borma mdendla b’katina, u ġarrha miegħu meta vvjaġġa. (Isaija 30:14) Imbagħad setaʼ uża l-​faħam jaħraq u biċċiet żgħar taʼ injam niexef kull meta kellu bżonn iqabbad in-​nar.