“Kemm Għandi Nniżżel Ħin?”

Ġieli staqsejt din il-​mistoqsija? Fil-​ktieb Organizzati paġni 86-​87, hemm xi linji taʼ gwida ġenerali. Kultant ningħataw xi direzzjoni addizzjonali, bħal, pereżempju, fil-​Kaxxa għall-​Mistoqsija fil-​Ministeru tas-​Saltna taʼ Settembru tal-​2008. Ladarba ċ-​ċirkustanzi jvarjaw, ma ngħatajniex lista twila taʼ regoli. Għalhekk, ma jkunx xieraq li l-​anzjani jew oħrajn jagħmlu linji taʼ gwida addizzjonali.

Jekk tqum xi mistoqsija u ma jkunx hemm direzzjoni pubblikata dwarha, kull pubblikatur jistaʼ jikkunsidra: Il-​ħin qattajtu fil-​ministeru? Jew qattajtu nagħmel xi ħaġa oħra li fil-​fatt mhijiex parti minn dan ix-​xogħol? Dak li niktbu fir-​rapport persunali tagħna tas-​servizz tal-​għalqa kull xahar għandu jferraħna u mhux iniggżilna l-​kuxjenza. (Atti 23:1) M’għandniex xi ngħidu, l-​interess ewlieni tagħna mhuwiex kif ngħoddu l-​ħin, imma kif nużaw il-​ħin bl-​aħjar mod billi nkunu ħabrieka fil-​ministeru.—Ebr. 6:11.