Il-​Ġiri wara l-​Affarijiet Materjali

“Jekk qatt ma nixbgħu u dejjem irridu, m’hemmx ċans li xi darba nħossu li għandna biżżejjed.”—Rapport tal-​Worldwatch Institute.

“XI RRIDU? Kollox. Meta rriduh? Issa.” Dan il-​motto kien popolari fost xi studenti tal-​kulleġġ matul is-​snin 60. Illum, forsi ma nisimgħux eżatt dan il-​kliem, imma l-​idea bażika għadha l-​istess. Tabilħaqq, il-​ġiri wara l-​affarijiet materjali jidher li hu karatteristika li tispikka taʼ żmienna.

Għal ħafna nies, l-​iktar ħaġa importanti fil-​ħajja hi li jiksbu l-​għana u l-​affarijiet materjali. Jimmy Carter, li qabel kien President taʼ l-​Istati Uniti, darba qal: “Bniedem m’għadux isir magħruf għal dak li jagħmel imma għal dak li għandu.” Hemm xi valuri iktar importanti minn dak kollu li għandna? Jekk inhu hekk, x’inhuma, u liema benefiċċji se jipprovdu?