Ibżaʼ Minn Jehovah u Igglorifika lill-​Isem Qaddis Tiegħu

“Min mhux tassew se jibżaʼ minnek, Jehovah, u jigglorifika lil ismek, għaliex int waħdek leali?”—RIVELAZZJONI 15:4

1, 2. (a) Jehovah kif fetaħ il-​kanċelli tal-​għarar tas-​smewwiet matul l-​1991? (b) Liema esperjenza tal-​ħajja taʼ missjunarju leali qanqlitu biex jagħti l-​parir: “Ibżaʼ minn Jehovah”? (Ara wkoll in-​1991 Yearbook, paġni 187-9.)

JEHOVAH ‘fetaħ il-​kanċelli tal-​għargħar tas-​smewwiet-smewwiet u attwalment battal barka sakemm ma kienx hemm iktar bżonn.’ Dawk il-​kelmiet jistgħu jiġu applikati għal darba wara l-​oħra għax-​Xhieda taʼ Jehovah fi żminijiet riċenti. (Malakija 3:10) Per eżempju, matul is-​sena taʼ servizz 1991, l-​entużjażmu taʼ Xhieda li ġew minn barra u dawk lokali li ġew għall-​konvenzjoni far fi sħubija Kristjana f’konvenzjonijiet speċjali li nżammu mal-​art kollha—mill-​Konvenzjonijiet “Lingwa Pura” fi Buenos Aires fl-​Amerka t’Isfel; u f’Manila, f’Taipei, u f’Bangkok fl-​orjent; għall-​Konvenzjonijiet “Uħud li Jħobbu l-​Libertà” f’Budapest, fi Praga, u f’Zagreb (16-18 t’Awissu, 1991) fl-​Ewropa tal-​Lvant.

² X’ferħ kien għal delegati minn barra li jiltaqgħu maʼ Xhieda li żammew il-​lealtà għal ħafna snin f’dawk il-​postijiet! Per eżempju, f’Bangkok, Frank Dewar—li għal xi żmien kien l-​uniku pubblikatur tas-​Saltna fit-​Tajlandja—tkellem dwar it-​58 sena taʼ servizz missjunarju tiegħu. L-​attivitajiet tiegħu ħaduh mill-​gżejjer tal-​Paċifiku sal-​Asja tax-​Xlokk, u saħansitra fiċ-​Ċina. Kien iffaċċja perikli minn nawfraġji, annimali selvaġġi fil-​ġungli, mard tropikali, u l-​ħakma kiefra tal-​mexxejja militari Ġappuniżi. Meta ġie mistoqsi x’parir jagħti lil dawk li attendew il-​konvenzjoni, it-​tweġiba tiegħu kienet waħda sempliċi: “Ibżaʼ minn Jehovah!”

3. Għala għandna nuru biżaʼ t’Alla?

³ “Ibżaʼ minn Jehovah!” Kemm ħu importanti li aħna lkoll nikkultivaw dak il-​biżaʼ bnin! “Il-​biżaʼ taʼ Jehovah huwa l-​bidu tal-​għerf.” (Salm 111:10) Dan il-​biżaʼ mhux xi twerwir fatali minn Jehovah. Minflok, huwa rispett profond għall-​maestà tal-​għaġeb u l-​kwalitajiet divini tiegħu, ibbażat fuq id-​dehen li nirċievu permezz taʼ studju tal-​Kelma t’Alla. F’Rivelazzjoni 15:3, 4, il-​għanja taʼ Mosè u tal-​Ħaruf tiddikjara: ”Kbar u tal-​għaġeb huma x-​xogħlijiet tiegħek, Alla Jehovah, li Tistaʼ Kollox. Taʼ tjieba u veri huma mogħdijietek, Sultan tal-​eternità. Min mhux tassew se jibżaʼ minnek, Jehovah, u jigglorifika lil ismek, għaliex int waħdek leali?” B’lealtà lejn l-​adoraturi tiegħu, Jehovah għandu‘ktieb taʼ tfakkira . . . miktub quddiemu għal dawk fil-​biżaʼ taʼ Jehovah u għal dawk li qegħdin jaħsbu fuq ismu.’ Huma jiġu ppremjati b’ħajja taʼ dejjem.—Malakija 3:16; Rivelazzjoni 20:12, 15.

Biżaʼ Minn Alla Jittrijonfa

4. Liema ħelsien tal-​qedem għandu jinkuraġġina biex nibżgħu minn Jehovah?

⁴ Meta Iżrael immarċja‘l barra mill-​Eġittu taʼ Farawni, Mosè wera b’mod ċar li kien jibżaʼ biss minn Jehovah. Malajr, l-​Iżraeliti nqabdu bejn il-​Baħar l-​Aħmar u l-​armata militari qerrieda tal-​Eġittu. X’setgħu jagħmlu? “Mosè qal lill-​poplu: ‘Tibżgħux. Żommu sodi u araw is-​salvazzjoni taʼ Jehovah, li ħu se jwettaq għalikom illum. Għax lill-​Eġizzjani li lilhom intom qegħdin taraw illum m’intomx se terġgħu tarawhom, le, qatt iktar. Jehovah innifsu se jiġġieled għalikom, u intom infuskom se tkunu siekta.”ˈ B’mod mirakoluż, Jehovah feraq l-​ilmijiet. L-​Iżraeliti mmarċjaw minn fuq qiegħ il-​baħar. Imbagħad l-​ilmijiet niżlu b’saħħa ’isfel mill-​ġdid. L-​armata taʼ Farawni għabet. Jehovah salva lil dak il-​ġens li kellu l-​biżaʼ t’Alla, waqt li fl-​istess ħin esegwixxa ġudizzju fuq l-​Eġittu li kien jiddiżonora lil Alla. Bl-​istess mod il-​lum, se jesebixxi l-​lealtà tiegħu billi jeħles mid-​dinja taʼ Satana lix-​Xhieda tiegħu li jibżgħu minn Alla.—Eżodu 14:13, 14. Rumani 15:4.

5, 6. Liema ġrajjiet fi żmien Ġożwè juru li għandna nibżgħu minn Jehovah minflok mill-​bnedmin?

⁵ Wara l-​Eżodu mill-​Eġittu, Mosè bagħat 12-il spija fl-​Art Imwiegħda. Għaxra minnhom twerwru meta raw l-​abitanti qishom ġganti u pprovaw jaqtgħu qalb Iżrael milli jidħlu fl-​art. Imma t-​tnejn l-​oħra, Ġożwè u Kaleb, irrapportaw: “Hija art tajba ħafna, ħafna. Jekk Jehovah ha pjaċir bina, allura żgur li se jdaħħalna ġewwa din l-​art u jagħtiha lilna, art li qiegħda tnixxi bil-​ħalib u l-​għasel. Biss kontra Jehovah tirvellawx; u intom, tibżgħux min-​nies tal-​art, għax huma ħobż għalina. Il-​kenn tagħhom dar lil hinn minn fuqhom, u Jehovah qiegħed magħna. Tibżgħux minnhom.”−Numri 14:7-9.

⁶ Madankollu, dawk l-​Iżraeliti ċedew għall-​biżaʼ tal-​bniedem. Bħala riżultat, huma qatt ma waslu fl-​art tal-​wegħda. Imma Ġożwè u Kaleb, flimkien ma ġenerazzjoni ġdida taʼ Iżraeliti, kienu pprivileġġjati li jidħlu f’dik l-​art mill-​aqwa u li jikkultivaw id-​dwieli u l-​imsaġar taż-​żebbuġ tagħha. Fid-​diskors tiegħu qabel mewtu lill-​poplu miġbur taʼ Iżrael, Ġożwè ta dan il-​parir: “Ibżgħu minn Jehovah u aqduh mingħajr ħtija u fil-​verità.” U Ġożwè żied: “[I]nkwantu għalija u għal taʼ dari, aħna se naqdu lil Jehovah.” (Ġożwè 24:14 15) Xi kliem inkuraġġanti għall-​kapijiet tal-​-familja u għall-​oħrajn kollha li jibżgħu minn Jehovah hekk kif nippreparaw biex naqsmu għal ġod-​dinja ġdida taʼ tjieba t’Alla!

7. David kif enfasizza l-​importanza tal-​biżaʼ t’Alla?

⁷ David ir-​ragħaj żagħżugħ ukoll wera biżaʼ eżemplari minn Jehovah meta sfida lil Gulija f’isem Alla. ( 1 Samwel 17:45, 47) Fuq is-​sodda tal-​mewt tiegħu, David setaʼ jiddikjara: “L-​ispirtu taʼ Jehovah kien li tkellem permezz tiegħi, u l-​kelma tiegħu kienet fuq ilsieni. Dak Alla taʼ Iżrael qal, lili kellem il-​Blata taʼ Iżrael,‘Meta wieħed li qiegħed jaħkem fuq l-​umanità huwa twajjeb, qiegħed jaħkem fil-​biżaʼ t’Alla, allura dan huwa bħad-​dawl taʼ fil-​għodu, meta x-​xemx tiddi, għodwa min-​għajr sħab.”ˈ (2 Samwel 23:2-4) Dan il-​biżaʼ t’Alla nstab nieqes b’mod li jispikka fost il-​mexxejja taʼ din id-​dinja, u kemm ħu traġiku r-​riżultat! Kemm se jkun differenti meta Ġesù, “Bin David,” jaħkem fuq l-​art fil-​biżaʼ taʼ Jehovah!—Mattew 21:9.

Aġir fil-​Biżaʼ taʼ Jehovah

8. Ġuda kif kellu prosperità taħt Ġeħosafat, billi jindika liema ħaġa għal-​lum?

⁸ Wara xi mitt sena mill-​mewt taʼ David Ġeħosafat sar sultan f’Ġuda. Għal darb’oħra dan kien sultan li qeda fil-​biżaʼ taʼ Jehovah. Hu rrestawra l-​ordni teokratiku f’Ġuda, billi qiegħed imħallfin mal-​art kollha, u tahom dawn l-​istruzzjonijiet: “Ma hux għall-​bniedem li tiġġudikaw imma ħu għal Jehovah; u ħu qiegħed magħkom fil-​kwistjoni taʼ ġudizzju. U issa ħallu t-​tkexkix taʼ Jehovah jiġi li jkun fuqkom. oqogħdu attenti u aġixxu, għax maʼ Jehovah Alla tagħna ma hemm l-​ebda nuqqas taʼ tjieba jew parzjalità jew teħid taʼ tixħim.... Dan huwa kif għandkom tagħmlu fil-​biżaʼ taʼ Jehovah bil-​fedeltà u b’qalb sħiħa.” (2 Kronaki 19:6-9) B’hekk, Ġuda kellu prosperità fil-​biżaʼ taʼ Jehovah, l-​istess bħalma l-​poplu t’Alla jibbenefika mis-​servizz taʼ indokraturi kollhom mogħdrija llum.

9, 10. Ġeħosafat kif ittrijonfa fil-​biżaʼ taʼ Jehovah?

⁹ Madankollu, Ġuda kellu l-​għedewwa. Dawn kienu determinati li jeqirduh lill-​ġens t’Alla. Il-​forzi militari magħqudin taʼ Ammon, Moab, u l-​Muntanja Seir daħlu f’daqqa f’territorju Ġudean u heddew lil Ġerusalemm. Kienet armata setgħana. Ġeħosafat dar lejn Jehovah fit-​talb waqt li “dawk kollha taʼ Ġuda kienu bil-​wieqfa quddiem Jehovah, saħansitra ż-​żgħar tagħhom, in-​nisa tagħhom u wliedhom subien.” Imbagħad, bi tweġiba għal dik it-​talba, l-​ispirtu taʼ Jehovah ġie fuq Ġaħażjel il-​Levita, li qal: “Hawn ħu dak li qalilkom Jehovah, ‘Tkunux beżgħanin jew imwerwrin minħabba f’din il-​folla mdaqqsa; għax il-​battalja mhix tagħkom, imma t’Alla. Għada inżlu kontra tagħhom.... Mhux se jkollkom bżonn tiġġieldu din id-​darba. Ħudu postkom, ieqfu dritti u araw is-​salvazzjoni taʼ Jehovah għan-​nom tagħkom. O Ġuda u Ġerusalemm, tkunux beżgħanin jew imwerwrin. Għada oħorġu kontra tagħhom, u Jehovah se jkun magħkom.”—2 Kronaki 20:5-17.

¹⁰ Il-​għada fil-​għodu, l-​irġiel taʼ Ġuda qamu kmieni. Hekk kif ħarġu b’mod ubbidjenti biex jiltaqgħu mal-​għadu, Ġeħosafat qam bil-​wieqfa u qal: “Isimgħuni, o Ġuda u intom l-​abitanti taʼ Ġerusalemm! Qiegħdu fidi f’Jehovah Alla tagħkom biex tistgħu tagħtu prova li ddumu żmien twil. Qiegħdu fidi fil-​profeti tiegħu u b’hekk tiksbu suċċess.” Quddiem l-​irġiel armati, kien hemm il-​għannejja taʼ Jehovah li kantaw f’kor: “Agħtu tifħir lil Jehovah, għax għal żmien indefinit hija l-​qalb tajba bl-​imħabba tiegħu.” Jehovah esprima dik il-​qalb tajba bl-​imħabba billi tafaʼ lis-​suldati tal-​għadu f’konfużjoni kbira u bdew jeqirdu lil xulxin. Hekk kif l-​irġiel taʼ Ġuda waslu fit-​torri tal-​għassa fid-​deżert, l-​iġsma mejta tal-​għedewwa biss kien baqaʼ.—2 Kronaki 20:20-24.

11. Rigward il-​biżaʼ, il-​ġnus kif inhuma differenti mill-​poplu t’Alla?

¹¹ Meta l-​ġnus ġirien semgħu dwar dan il-​ħelsien mirakoluż, “[i]t-tkexkix t’Alla” waqaʼ fuqhom. Mill-​banda l-​oħra, il-​ġens li obda fil-​biżaʼ taʼ Jehovah issa kellu “mistrieħ maʼ kullimkien.” (2 Kronaki 20:29, 30) B’mod simili, meta Jehovah jesegwixxi ġudizzju f’Armageddon, il-​ġnus se jitkexkxu minn Alla u mill-​Esekutur tal-​ħaqq tiegħu, Ibnu, Ġesù Kristu, u mhux se jkunu jistgħu jżommu weqfin fil-​jum il-​kbir taʼ korla divina.—Rivelazzjoni 6:16-17.

12. Il-​biżaʼ minn Jehovah kif ġie ppremjat fiz-​żmien taʼ qabel?

¹² Biżaʼ bnin minn Jehovah iġib premji għonja. Noè “wera biżaʼ t’Alla u bena arka biex isalva lin-​nies taʼ daru.” (Ebrej 11:7) U rigward il-​Kristjani tal-​ewwel seklu, insibu miktub li, wara perijodu taʼ persekuzzjoni, il-​kongregazzjoni “daħlet f’perijodu taʼ paċi, billi kienet mibnija; u fil-​waqt li mxiet fil-​biżaʼ taʼ Jehovah u fil-​faraġ tal-​ispirtu qaddis baqgħet timmoltiplika”−sewwa sew kif qiegħda tagħmel fl-​Ewropa tal-​Lvant illum.—Atti 9:31.

Ħobb it-​Tajjeb, Obgħod il-​Ħażen

13. Kif biss nistgħu nġarrbu l-​barka taʼ Jehovah?

¹³ Jehovah huwa kollu kemm ħu tajjeb. Għaldaqstant, “il-​biżaʼ taʼ Jehovah ifisser li tobgħod il-​ħażen.” (Proverbji 8:13) Inkiteb dwar Ġesù: “Int ħabbejt it-​tjieba, u inti bgħadt in-​nuqqas taʼ ħarsien tal-​liġi. Huwa għalhekk li Alla, Alla tiegħek, dilkek biż-​żejt tal-​ferħ.” (Ebrej 1:9) Jekk aħna, bħal Ġesù, nixtiequ l-​barka taʼ Jehovah, irridu nistmerru l-​ħażen, l-​immoralità, il-​vjolenza, u r-​regħba tad-​dinja mkabbra taʼ Satana. (Qabbel Proverbji 6:16-19.) Irridu nħobbu dak li jħobb Jehovah u nobogħdu dak li jobgħod ħu. Irridu nibżgħu nagħmlu xi ħaġa li ma togħġobx lil Jehovah.“Fil-​biżaʼ taʼ Jehovah wieħed idur lil hinn mill-​ħażen.”−Proverbji 16:6.

14. Ġesù kif jipprovdilna mudell?

¹⁴ Ġesù ħallielna mudell biex insegwu l-​passi tiegħu mill-​qrib.“Meta kien qed jiġi nsultat, ma marx jinsulta lura. Meta kien qed ibati, ma marx ihedded, imma baqaʼ jikkommetti ruħu lil dak li jiġġudika bit-​tjieba.” ( 1 Pietru 2:21-23) Fil-​biżaʼ taʼ Jehovah, aħna wkoll nistgħu nissaportu t-​tmaqdir, it-​twaqqigħ għaċ-​ċajt, il-​persekuzzjonijiet, li d-​dinja taʼ Satana titfaʼ fuqna bil-​gzuz.

15. Għala għandna nibżgħu minn Jehovah min-​flok minn dawk li jistgħu joqtlu l-​ġisem?

¹⁵ F’​Mattew 10:28, Ġesù jammonina: ”[I]s-sirux beżgħanin minn dawk li joqtlu l-​ġisem imma ma jistgħux joqtlu r-​ruħ; imma minflok ibżgħu minn dak li jistaʼ jeqred kemm lir-​ruħ u kemm lill-​ġisem f’Geħenna.” Saħansitra jekk wieħed li jibżaʼ minn Jehovah jiġi maqtul mill-​għadu, il-​weġgħat tal-​mewt huma biss tal-​mument. (Ħosea 13:14) Mal-​irxoxt tiegħu, se jkun jistaʼ jgħid: “Mewt, fejn hi r-​rebħa tiegħek? Mewt, fejn hi t-​tingiża tiegħek?”−1 Korintin 15:55.

16. Ġesù kif wera biżaʼ minn Jehovah u gglorifikah

¹⁶ Ġesù nnifsu jipprovdi eżempju splendidu għal dawk kollha li jħobbu t-​tjieba taʼ Jehovah u jobogħdu dak li ħu ħażin. Il-​biżaʼ tiegħu minn Jehovah ħu rifless fil-​kliem finali tiegħu lid-​dixxipli tiegħu, kif insibuh fi Ġwann 16:33: “Jien għedtilkom dawn l-​affarijiet biex permezz tiegħi jistaʼ jkollkom il-​paċi. Fid-​dinja qed ikollkom tribulazzjoni, imma agħmlu kuraġġ! Jien ikkonkwistajt id-​dinja.” Ir-​rakkont taʼ Ġwanni jkompli: “Ġesù tkellem dawn l-​affarijiet, u, billi rafaʼ għajnejh lejn is-​sema, qal:‘Missier, is-​siegħa ġiet; igglorifika lil ibnek, biex ibnek jistaʼ jigglorifika lilek . . . Urejt ismek lill-​bnedmin li tajtni mid-​dinja.”ˈ—Ġwann 17:1-6.

Ibżaʼ Minn Jehovah u Faħħru

17. B’liema modi nistgħu nimitaw l-​eżempju taʼ

¹⁷ Nistgħu aħna llum nimitaw l-​eżempju kuraġġuz taʼ Ġesù? Ċertament li nistgħu fil-​biżaʼ taʼ Jehovah! Ġesù għarrafna l-​isem illustri u l-​kwalitajiet taʼ Jehovah. Billi nibżgħu minn Jehovah bħala l-​Mulej Sovran tagħna, aħna neżaltawh wisq ’il fuq mill-​allat l-​oħrajn kollha, inkluża t-​Trinità mistika u bla isem tal-​Kristjaneżmu. Ġesù qeda lil Jehovah b’biżaʼ bnin, billi rrifjuta li jiġi maqbud fin-​nassa tal-​biżaʼ tal-​bniedem mortali. “Fil-​jiem tal-​laħam tiegħu Kristu offra tħannin u wkoll petizzjonijiet lil Dak li setaʼ jsalvah mill-​mewt, b’għajjat qawwi u dmugħ, u kien mismugħ b’favur minħabba l-​biżaʼ tiegħu minn Alla.” Bħal Ġesù, jalla aħna wkoll nibżgħu minn Jehovah hekk kif inkomplu nitgħallmu l-​ubbidjenza mill-​affarijiet li nsofru—dejjem bis-​salvazzjoni taʼ dejjem bħala l-​mira tagħna.—Ebrej 5:7-9.

18. Kif nistgħu nagħtu lil Alla servizz sagru bil-​biżaʼ t’Alla?

¹⁸ Iktar tard f’dik l-​ittra lill-​Kristjani Ebrej, Pawlu jeżorta lill-​Kristjani midlukin: “Billi naraw li għandna nirċievu saltna li ma tistax tiġi mċaqalqa, ejjew inkomplu jkollna l-​qalb tajba mhix mistħoqqa, li permezz tagħha nistgħu b’mod aċċettabbli nagħtu servizz sagru lil Alla bil-​biżaʼ t’Alla u bl-​istagħġib.” Illum, il-​“folla kbira” jieħdu sehem f’dak is-​servizz sagru. U f’liema ħaġa jikkonsisti? Wara li jiddiskuti l-​qalb tajba mhix mistħoqqa taʼ Jehovah f’li pprovda s-​sagrifiċċju taʼ Ibnu, Ġesù Kristu, Pawlu jgħid: “Permezz tiegħu ejjew dejjem noffru‘l Alla sagrifiċċju taʼ tifħir, jiġifieri, il-​frott tax-​xofftejn li jagħmlu dikjarazzjoni pubblika għal ismu.” (Ebrej 12:28; 13:12, 15) B’apprezzament lejn il-​qalb tajba mhix mistħoqqa taʼ Jehovah, għandna nkunu rridu niddedikaw kull siegħa possibbli għas-​servizz sagru tiegħu. Bħala mseħbin leali tal-​Kristjani midlukin li baqaʼ, il-​folla kbira llum qegħdin iwettqu l-​parti l-​kbira taʼ dak is-​servizz. Dawn jattribwixxu s-​salvazzjoni lil Alla u lil Kristu, hekk kif jinsabu weqfin b’mod figurattiv quddiem it-​tron t’Alla, billi ”jagħtuh servizz sagru lejl u nhar.”−Rivelazzjoni 7:9, 10, 15.

Igglorifika lil Jehovah għall-​Eternità

19, 20. Liema żewġ għamliet taʼ biżaʼ se jkunu jidhru fil-​”jum taʼ Jehovah”?

¹⁹ Il-​jum glorjuż tal-​ivvindikar taʼ Jehovah qed joqrob bil-​ħeffa! “Hares! ġej il-​jum li qiegħed jaqbad bħall-​forn, u l-​prużuntużi kollha u dawk kollha li qegħdin jagħmlu l-​ħażen iridu jsiru bħal tiben. U l-​jum li ġej ċertament li se jiblagħhom,’ qal Jehovah tal-​armati.” Dak iż-​żmien katastrofiku ħu “l-​jum il-​kbir u tal-​biżaʼ taʼ Jehovah.” (Malakija 4:1, 5) Se jnissel “terrur” fil-​qlub tan-​nies mill-​agħar, u dawn “bl-​ebda mod ma se jaħarbu.” —Ġeremija 8:15; 1 Tessalonkin 5:3.

²⁰ In-​nies taʼ Jehovah, madankollu, huma mnebbħin minn għamla differenti taʼ biżaʼ. L-​anglu fdat b”ˈaħbar tajba taʼ dejjem” għaj-tilhom b’vuċi għolja, billi qal: “Ibżgħu minn Alla u agħtuh glorja, għaliex is-​siegħa tal-​ġudizzju minnu waslet.” (Rivelazzjoni 14:6, 7) Aħna se nħarsu bi stagħġib b’dak il-​ġudizzju hekk kif is-​sħana taqbad t’Armageddon tixwi lid-​dinja taʼ Satana. Biżaʼ bnin minn Jehovah se jitnaqqax b’mod li ma jitħassarx fuq qlubna. Jalla niġu ffavoriti f’dak iż-​żmien li nsibu lilna nfusna fost‘dawk salvati li sejħu isem Jehovah’!—Ġojeli 2:31, 32; Rumani 10:13.

21. Il-​biżaʼ taʼ Jehovah se jwassal għal liema barkiet?

²¹ Barkiet meraviljużi se jiġu wara, inklużi “snin taʼ ħajja” li jestendu sal-​eternità kollha! (Proverbji 9:11; Salm 37:9-11, 29) Għalhekk, kemm jekk it-​tama tagħna hi biex nirtu s-​Saltna jew biex naqdu fil-​qasam tagħha fuq l-​art, ejjew inkomplu issa nagħtu lil Alla servizz sagru bil-​biżaʼ t’Alla u bl-​istagħġib. Ejjew inkomplu nigglorifikaw lill-​isem qaddis tiegħu. U b’liema riżultat imbierek? Ringrazzjament għal dejjem li daħhalna f’qalbna l-​parir għaqli li dejjem nibżgħu minn Jehovah!

Kif Twieġeb Int?

◻ X’ifisser “il-​biżaʼ taʼ Jehovah”?

◻ Il-​biżaʼ t’Alla kif ibbenefika lill-​poplu tiegħu tal-​qedem?

◻ Liema mudell taʼ biżaʼ t’Alla ħallielna Ġesù?

◻ Kif nistgħu aħna nżommu integrità fil-​biżaʼ taʼJehovah?