Mingħand il-​Qarrejja

Il-​Ġurnata tat-​Tieġ Veru ħadt pjaċir bis-​serje t’artikli “Il-​Ġurnata tat-​Tieġ—Kif Nagħmluha l-​Bidu taʼ Ferħ Kbir.” (8 taʼ Frar, 2002) Peress li għadni żgħir, qed nipprepara lili nnifsi mentalment għal dan il-​pass importanti taż-​żwieġ. Dawn l-​artikli għenuni nifhem kif nistaʼ nagħmel il-​preparamenti mingħajr l-​istress li hu tant komuni fost il-​koppji żgħar u wkoll dwar kif nistaʼ nżomm l-​unjoni waħda ferħana. Jekk jogħġobkom, tiqfux milli tagħtu attenzjoni lil dawk bħalna li qed nagħmlu kull sforz biex inpoġġu fil-​prattika dak li Jehovah irid mill-​qaddejja tiegħu.

F. C., Italja

Dejjem nibqaʼ impressjonata kif Jehovah jipprovdi l-​gwida eżatt meta l-​iktar li jkolli bżonnha. Il-​ħarġa taʼ Stenbaħ! tat-​8 taʼ Frar, 2002, ma kinitx eċċezzjoni. Dawn l-​aħħar ftit xhur, jien u l-​għarus tiegħi konna qed nippjanaw għat-​tieġ tagħna, u bdejna nħossu t-​tensjoni. L-​artikli tal-​ftuħ fakkruni li dawn ix-​xhur taʼ preparamenti fir-​realtà huma sbieħ u li l-​ansjetà ħlief uġigħ taʼ qalb ma ġġibx.

H. M., Awstralja

Il-​paġna 10 tas-​serje t’artikli timplika li huwa aċċettabbli għal raġel miżżewweġ li jitlaq mid-​dar jekk hu jemmen li għandu raġunijiet validi għas-​separazzjoni. Jien u l-​mara ma sibna xejn fil-​Bibbja li jappoġġa dan. Fil-​fatt, il-​Bibbja turi l-​kontra—il-​mara tistaʼ titlaq imma r-​raġel ma jistax. Ġenesi 2:24 jgħid li r-​raġel għandu “jingħaqad maʼ martu.” U l-​1 Korintin 7:11 jgħid, “jekk [hi, “NW”] tiġi li tħallih,” imma mbagħad il-​vers ikompli, “ir-​raġel ma għandux jitlaq lil martu.”

K. L., Awstralja

“Stenbaħ!” iwieġeb: Ġenesi 2:24 irid jiġi kunsidrat fil-​kuntest tiegħu. L-​ordni divina dokumentata hawn ma kinitx mogħtija bħala direzzjoni rigward xi separazzjoni possibbli. L-​ittra taʼ Pawlu lill-​Korintin turi biċ-​ċar li Jehovah iqisu ferm iż-​żwieġ, u li koppja għandha tagħmel kull sforz biex iż-​żwieġ ma jitkissirx. Jidher ċar, għalhekk, li ma kienx l-​iskop taʼ Pawlu li joħloq żewġ regoli—waħda għall-​mara u oħra għar-​raġel. Il-​versi 10 u 11 iħeġġu kemm lir-​raġel u kemm lill-​mara biex ma jitilqux, jekk dan ikun possibbli. B’hekk, b’mod raġunevoli, dak li japplika għall-​mara japplika wkoll għar-​raġel.

Iż-​Żgħażagħ Jistaqsu Għadni kemm spiċċajt naqra l-​artiklu “Iż-​Żgħażagħ Jistaqsu . . . X’Jiġri jekk Niltaqaʼ maʼ Xi Ħadd li Naf mill-​Iskola?” (8 taʼ Marzu, 2002) Peress li jien ministru full-time u nattendi skola sekondarja, spiss ħassejtni bħalma ħassu Simon li kien kwotat fl-​artiklu. Jien ukoll kont nittama li ma niltaqaʼ maʼ ħadd mill-​iskola tiegħi waqt li nkun fuq il-​ministeru. Dan l-​artiklu eċċellenti kien tfakkira mingħand Jehovah. Nirringrazzjah għal dan.

S. S., Stati Uniti

Jien għandi 14-il sena, u kont nibżaʼ li niltaqaʼ maʼ sħabi taʼ l-​iskola waqt li nkun fuq it-​territorju fejn inkun qed nippriedka. Il-​fatt li naf li Jehovah qed jgħinni waqt li nkun qiegħed inħabbat il-​bibien jimlieni bil-​faraġ. L-​artiklu veru saħħaħni.

M. L., Italja

Iċ-​Chewing Gum Grazzi għall-​artiklu “Iċ-​Chewing Gum—Modern iżda Antik.” (8 taʼ Mejju, 2002) Jien inħobbu ċ-​chewing gum imma, bla ma nintebaħ, nibilgħu kważi kull meta nieħdu. Dan l-​artiklu wissieni biex ma nibilgħux. Se nimxi fuq il-​parir tagħkom!

K. B., Tajlandja

Id-​Dniefel Jien għandi 14-il sena, u nixtieq nirringrazzjakom ħafna għall-​artiklu “Ġurnata mad-​Dniefel.” (8 taʼ Jannar, 2002) Dan l-​artiklu veru laqatni. L-​informazzjoni kienet eċċellenti u turi kemm hi kbira u tal-​biżaʼ l-​qawwa taʼ Jehovah biex ħalaq kreaturi taʼ l-​għaġeb u intelliġenti bħal dawn. Ladarba d-​dniefel huma l-​annimali favoriti tiegħi, inħares ’il quddiem għad-​dinja l-​ġdida t’Alla meta nkun nistaʼ nsir nafhom aħjar.

A. C., Awstralja

Tweġibiet taʼ l-​Editur Nixtieq ngħidilkom prosit għat-​tweġibiet li tagħtu għall-​ittri li kultant jidhru f’“Mingħand il-​Qarrejja.” L-​editur tal-​gazzetta lokali tagħna huwa magħruf għall-​kummenti li jweġġgħu, arroganti, u sarkastiċi li jagħmel lil dawk li jkunu kitbu fil-​gazzetta, anki meta dak li jkun pubblikat fil-​gazzetta jkun żbaljat. Hija ħaġa sabiħa li tara t-​tweġibiet mill-​edituri taʼ Stenbaħ! għax dawn jirriflettu dinjità bilanċjata fir-​rivista u konsiderazzjoni għall-​qarrej.

K. W., Stati Uniti