Qattaʼ ħin maʼ dawk li jħobbu lil Ġeħova

Għala għandna nqattgħu ħin maʼ dawk li jħobbu lil Ġeħova? Għax in-​nies li nagħmluha magħhom jeffettwawna b’mod pożittiv jew b’mod negattiv. (Pr 13:20) Pereżempju, is-​Sultan Ġeħogħas “għamel dak li hu sewwa f’għajnejn Ġeħova” sakemm kien iqattaʼ ħin mal-​Qassis il-​Kbir Ġeħojada. (2Kr 24:2) Wara li Ġeħojada miet, Ġeħogħas telaq lil Ġeħova minħabba sħubija ħażina.—2Kr 24:17-19.

Fl-​ewwel seklu, l-​appostlu Pawlu qabbel il-​kongregazzjoni Kristjana maʼ “dar kbira” u l-​membri tal-​kongregazzjoni maʼ “reċipjenti,” jew m’affarijiet bżonjużi fid-​dar. Aħna nibqgħu “reċipjent għal skop onorabbli” meta nevitaw sħubija mill-​qrib maʼ xi ħadd li jagħmel affarijiet li ma jogħġbux lil Ġeħova, anki jekk dan ikun membru tal-​familja tagħna jew tal-​kongregazzjoni. (2Ti 2:20, 21) Għaldaqstant, jalla nkomplu nagħmlu ħbieb maʼ dawk li jħobbu lil Ġeħova u li jinkuraġġuna naqduh.

ARA L-​VIDJOW TGĦALLEM KIF TIĊĦAD SĦUBIJA ĦAŻINA, U  MBAGĦAD STAQSI L-​MISTOQSIJIET LI ĠEJJIN:

• Kif nistgħu nkunu qed nagħmluha maʼ kumpanija ħażina mingħajr  ma nindunaw?

• F’dan il-​vidjow, x’għen lil tliet Kristjani biex jaqtgħu sħubija ħażina?

• Liema prinċipji tal-​Bibbja jistgħu jgħinuk biex tagħżel b’għaqal maʼ min tagħmilha?