Poġġi L-​Iktar Affarijiet Importanti L-​Ewwel

¹ X’inhuma xi ftit affarijiet importanti li huma vitali għall-​benesseri spiritwali tagħna? Bla dubju fost dawn insibu l-​istudju persunali, l-​attendenza għal-​laqgħat, it-​talb persistenti, is-​sħubija tajba, u l-​ministeru Kristjan. Ma nistgħux nibqgħu b’saħħitna spiritwalment jekk ma npoġġux affarijiet importanti minn taʼ quddiem f’ħajjitna.

² Madankollu, ilkoll kemm aħna għandna ġlieda kontra x-​xewqat tal-​ġisem u neħtieġu d-​dixxiplina. (Gal. 5:​17) M’għandna qatt inħossuna li hemm iktar x’wieħed jikseb jekk isus wara interessi egoistiċi. (Ġer. 17:9) Għalhekk, jekk irridu nipproteġu lil qalbna u nevitaw li nitqarrqu, huwa kruċjali li neżaminaw lilna nfusna regolarment.​—Prov. 4:​23; 2 Kor. 13:5.

³ Eżamina Lil Qalbek Stess: Tistaʼ tagħmel dan billi tistaqsi lilek innifsek xi mistoqsijiet diretti: Nixxennaq jien biex naqra l-​Kelma t’Alla? (1 Piet. 2:2) Napprezza l-​importanza taʼ li nattendi l-​laqgħat kollha tal-​kongregazzjoni? (Lhud 10:24, 25) Nippersevera fit-​talb? (Rum. 12:12) Infittex is-​sħubija taʼ nies li moħħhom mitfugħ fuq affarijiet spiritwali? (Rum. 1:​11, 12) Inħoss obbligu persunali li niddikjara l-​aħbar tajba? (1 Kor. 9:​16) Tweġibiet pożittivi se juru li int tixtieq tpoġġi l-​iktar affarijiet importanti fl-​ewwel post.

⁴ Eżamina R-​Rutina Tiegħek Taʼ Kuljum: Hemm bżonn li taġixxi skond l-​eżami tax-​xewqat taʼ qalbek billi tistabbilixxi prijoritajiet rigward l-​użu tal-​ħin. Dan jinkludi li twarrab ħin għall-​qari regulari tal-​Bibbja u taʼ kull ħarġa taʼ It-​Torri Taʼ L-​Għassa u Stenbaħ!, u kif ukoll għall-​preparazzjoni tal-​laqgħat. Irid ukoll jitwarrab ħin għall-​familja, kemm biex tistudjaw u kemm biex titolbu flimkien. Poġġi limitu fuq kemm għandu jitqattaʼ ħin tara t-​television jew tuża l-​kompjuter. Kun determinat li tattendi l-​laqgħat kollha tal-​kongregazzjoni, u l-​affarijiet l-​oħrajn kollha poġġihom fil-​ħin li jifdal. Ippjana biex il-​familja kollha tieħu sehem fis-​servizz taʼ l-​għalqa kull ġimgħa.

⁵ Mingħajr l-​ebda dubju, jekk inpoġġu l-​iktar affarijiet importanti l-​ewwel f’ħajjitna se jkollna raġuni għalxiex nifirħu.