Ix-​Xhieda taʼ Jehovah—Evanġelizzaturi Veri

¹ Ġesù Kristu poġġa r-​responsabbiltà taʼ l-​evanġelizzar fuq id-​dixxipli tiegħu kollha, billi speċifikament idderiġiehom biex jippridkaw l-​aħbar tajba tas-​Saltna. (Mt. 24:14; Atti 10:42) Id-​dixxipli bikrin tiegħu ħallew mudell f’dan waqt li tkellmu dwar is-​Saltna mingħajr waqfien​—mhux biss f’postijiet taʼ qima imma kulfejn iltaqgħu man-​nies fil-​pubbliku u billi marru minn dar għal dar. (Atti 5:42; 20:20) Bħala Xhieda taʼ Jehovah llum, tajna prova li aħna evanġelizzaturi Kristjani veri, billi qegħdin nippridkaw il-​messaġġ tas-​Saltna f’232 art u għammidna ’l fuq minn miljun dixxiplu ġdid f’dawn l-​aħħar tliet snin biss! Ix-​xogħol tagħna taʼ l-​evanġelizzar għala kien daqshekk taʼ suċċess?

² L-​Aħbar Tajba Teċċitana: Evanġelizzaturi huma predikaturi, jew messaġġiera, taʼ aħbar tajba. Bħala talin, għandna l-​privileġġ eċċitanti li nħabbru s-​Saltna taʼ Jehovah​—l-​unika aħbar tajba vera li tistaʼ tiġi offruta lill-​umanità mnikkta. Aħna entużjażmati bil-​għarfien bil-​quddiem li ksibna dwar smewwiet ġodda li se jaħkmu bit-​tjieba fuq art ġdida fformata minn bnedmin leali fil-​Ġenna li ġejja. (2 Pt. 3:​13, 17) Aħna l-​uniċi wħud li ħaddanna din it-​tama, u ħerqanin li naqsmuha maʼ oħrajn.

³ L-​Imħabba Vera Timmotivana: L-​evanġelizzar huwa xogħol li jsalva l-​ħajja. (Rum. 1:16) Huwa għalhekk li nesperjenzaw ferħ kbir f’li nxerrdu l-​messaġġ tas-​Saltna. Bħala evanġelizzaturi veri, aħna nħobbuhom lin-​nies, u dan iqanqalna naqsmu l-​aħbar tajba magħhom​—mal-​familji tagħna, mal-​ġirien, maʼ dawk li nafu, u maʼ kemm jistaʼ jkun oħrajn. Li nagħmlu dan ix-​xogħol b’ruħna kollha huwa wieħed mill-​aħjar modi kif nistgħu nesprimu l-​imħabba vera tagħna lejn oħrajn.​—1 Tess. 2:8.

⁴ L-​Ispirtu taʼ Alla Jappoġġjana: Il-​Kelma taʼ Alla tiżgurana li meta nagħmlu x-​xogħol tagħna taʼ li nħawlu u nsaqqu ż-​żerriegħa tas-​Saltna, huwa Jehovah li ‘jkabbarha.’ Dan huwa eżattament dak li naraw iseħħ fl-​organizzazzjoni tagħna llum. (1 Kor. 3:​5-7) Huwa l-​ispirtu taʼ Alla li jappoġġjana fl-​attività tagħna taʼ l-​evanġelizzar u jagħtina suċċess kbir.​—Ġoel 3:​1, 2 [2:​28, 29, NW].

⁵ Meta nqisu l-​inkuraġġiment fit-​2 Timotju 4:5 biex nagħmlu “ħidma taʼ evanġelista,” u minħabba l-​imħabba tagħna għan-​nies kollha, jalla nkunu mmotivati biex naqsmu magħhom l-​aħbar tajba u eċċitanti tas-​Saltna f’kull opportunità, fiduċjużi li Jehovah se jkompli jbierek ix-​xogħol tagħna.