Għanja 50

Inwieġbu għall-​Imħabba t’Alla

(1 Ġwann 4:11)

1. M’hemmx Alla ieħor bħalek; Mill-​qalb inħobbu lilek,

Jehovah tant jixraqlek tifħir.

Sliem nagħtu ’l isem tiegħek U id f’id nimxu miegħek

Biex Kelmtek minna dejjem issir.

Int bil-​ħlewwa taġixxi Għalkemm ħaqq tesegwixxi;

Fil-​għerf u fil-​qawwa int tant kbir.

Il-​Kelma tiegħek turi Li jekk qlubn’ huma puri

Bħal xita l-​barka tiegħek issir.

2. Int l-​ewwel li ħabbejtna; Bi Kristu int qanqaltna

Biex mill-​qalb inħobbuk aħna lkoll.

Sabiex iqaddes ’l ismek Ġesù ġie juri mħabbtek

U ħajja bla tmiem jagħtina wkoll.

Ħadd m’għandu mħabba akbar Minn dak li demmu ċarċar

Biex b’mewtu jistaʼ jifdi ’l bnedmin.

Sabiex qatt ma ninqerdu, Tagħlim dwaru inxerrdu

U nibqgħu dejjem f’dan it-​twemmin.

3. Qatt ma se naqtgħu qalbna F’li nippridkaw is-​Saltna;

Se nibqgħu ngħidu il-​verità.

Servizz ħieles li jseddaq Ir-​rieda t’Alla jwettaq

Jekk isir dejjem b’sinċerità.

Waqt illi naqdu s-​Saltna Bl-​imħabba lejn dawk ħutna

Nuru li aħna nsegwu ’l Ġesù.

Malajr insiru ħbiebhom U mill-​qalb nieħdu ħsiebhom

Sakemm lilna lkoll se jeħles hu.