Appoġġa ż-​Żjara taʼ l-​Indokratur tas-​Circuit

¹ Mill-​15 t’Ottubru, 1946, ’il quddiem, il-​kongregazzjonijiet bdew jiġu organizzati f’circuits li fihom jaqdu indokraturi li jivvjaġġaw full-time. Għal dawn l-​aħħar 59 sena, kemm l-​individwi u kemm il-​kongregazzjonijiet ibbenefikaw minn dan l-​arranġament teokratiku. (Is. 1:26) L-​appoġġ kontinwu tagħna għal dan l-​arranġament se jġibilna ħafna iktar barkiet għonja.—Efes. 4:​7, 8, 11.

² Tħejjijiet għaż-​Żjara: Ladarba tiġi mħabbra ż-​żjara taʼ l-​indokratur tas-​circuit, nistgħu nibdew inħejju għaliha. Nistgħu nippjanaw li nirranġaw l-​iskeda normali tagħna sabiex nappoġġaw bis-​sħiħ il-​ġimgħa t’attività speċjali. Xi pubblikaturi jirranġaw biex iqattgħu iktar ħin fil-​ministeru taʼ l-​għalqa billi jaqdu bħala pijunieri awżiljarji. Oħrajn għandhom mnejn jieħdu l-​leave mix-​xogħol sekulari għal ġurnata jew tnejn biex jieħdu sehem fil-​ministeru. Ħafna pubblikaturi jagħmlu appuntamenti speċjali biex jaħdmu maʼ l-​indokratur li jivvjaġġa f’xi aspett tal-​ministeru. L-​appoġġ b’qalb sħiħa għall-​ministeru taʼ l-​għalqa f’din l-​okkażjoni hu tassew premjanti.

³ Ir-​rapporti li ntbagħtu mill-​indokraturi li jivvjaġġaw jindikaw li l-​attività taż-​żjajjar lura u l-​istudji tal-​Bibbja wara nofsinhar tistaʼ tiġi appoġġata aħjar. Tistaʼ tagħmel skeda taʼ żjajjar lura jew studji tal-​Bibbja għal wara nofsinhar matul dik il-​ġimgħa? L-​indokratur tas-​circuit se jkun kuntent li jiġi miegħek, u jekk tixtieq, se jieħu pjaċir ukoll li jikkonduċi l-​istudju tiegħek.

⁴ Għajnuna Persunali: Waħda mill-​ogħla prijoritajiet fil-​lista taʼ l-​indokratur tas-​circuit hi l-​bżonn li jipprovdi iktar taħriġ għal kulmin ikun qed jirsisti għal privileġġi akbar taʼ servizz. (1 Tim. 3:1) Għandek xi mistoqsijiet dwar l-​inkarigi jew ir-​responsabbiltajiet speċifiċi tiegħek? Tixtieq ittejjeb l-​abbiltà jew l-​organizzar persunali tiegħek? Qed tinteressa ruħek fis-​servizz taʼ Betel, f’Gilgħad, jew fl-​Iskola tat-​Taħriġ Ministerjali? Tixtieq taqdi fejn il-​bżonn hu akbar? Huma x’inhuma l-​miri spiritwali tiegħek, l-​indokratur tas-​circuit se jieħu pjaċir jiddiskutihom miegħek.

⁵ Jekk l-​indokratur tas-​circuit tiegħek hu miżżewweġ, martu hija wkoll qaddejja devota taʼ Ġeħova. Probabbilment hi pijuniera u se tkun tistaʼ tagħti appoġġ sħiħ għall-​arranġamenti tas-​servizz taʼ l-​għalqa. Minħabba l-​esperjenza tagħha u s-​sehem regulari fil-​ministeru f’territorji differenti, hi ssir tas-​sengħa fix-​xogħol taʼ l-​ippridkar. Hi tagħmel lilha nfisha disponibbli l-​iktar biex taħdem m’aħwa nisa oħra fis-​servizz minn dar għal dar u tmur magħhom fuq żjajjar lura u studji tal-​Bibbja fid-​djar. Jistħoqqilha l-​istess tifħir mill-​qalb bħal dak li Pawlu qal dwar Febe.—Rum. 16:​1, 2.

⁶ M’għandniex ninsew il-​privileġġ li għandna biex nuru l-​ospitalità maʼ l-​indokratur li jivvjaġġa u maʼ martu, jekk ikun miżżewweġ. Ħafna huma l-​aħwa li jgħożżu l-​memorji kif ukoll l-​inkuraġġiment li ngħataw minħabba li fetħu djarhom jew stiednu għall-​ikel lil dawn il-​ministri li jivvjaġġaw u gawdew sħubija spiritwali pjaċevoli magħhom.—3 Ġw. 5-8.

⁷ Iż-​żjajjar regulari minn indokraturi li jivvjaġġaw li jkunu maturi spiritwalment ikomplu jgħinu lin-​nies taʼ Ġeħova. Aħna se nibbenefikaw personalment minn dan l-​arranġament skond kemm nippreparaw għaż-​żjara taʼ l-​indokratur tas-​circuit u skond kemm nappoġġawha. Jalla lkoll kemm aħna nkunu determinati li nappoġġaw bis-​sħiħ iż-​żjara li jmiss taʼ l-​indokratur tas-​circuit tagħna.