Għanja 221
Żgħażagħ! Imitaw il-Fidi Tagħhom
1. Kien Samwel biss ċkejken x’ħin Xilo bagħtuh
Biex jaqdi fit-tempju u hemm sew rawmuh.
Profeta ġo Iżr’el hu sar fil-futur,
Taʼ Nażirit veru ġab ’l Alla unur.
Tal-qassis kbir Eli qliel kienu s-subien.
Se jħassru lil Samwel għax żgħir fl-età kien?
Le, Samwel kien jobdi, leali u sod.
’Il bogħ’d minn Jehovah ma dar bl-ebda mod.
2. Lil Timotew sew minn ċkunitu rabbewh
Midħla fl-Iskrittura; b’piż t’anzjan għabbewh.
Hu poġġa fil-prattika l-ħwejjeġ mgħallmin.
Sabiex fidil jibqaʼ irsista f’kull ħin.
Fil-kongregazzjoni magħruf tant kien sar,
Ġie rrakkomandat dlonk bla iddubitar.
Għall-privileġġ rari li maʼ Pawlu jmur,
Ix-xogh’l missjunarju tiegħu qdieh bl-unur.
3. Tfajliet aħwa ftakru f’waħda mill-bniet Lhud
Li b’fidi f’Jehovah bħal deh’b irfinut
Żammet sħih fil-fidi, għalkemm fit-tjassir;
B’żelu w devozzjoni tat ’l oħrajn parir.
Lill-mara taʼ Nagħman malajr infurmat:
‘Jehovah fejqan bil-profeta jibgħat.’
Il-kaptan Sirjan mar biex lilu iżur;
Barkiet kbar ġabitlu b’egħmilha tant pur.
4. Inħeġġukom ħutna tfajliet, ġuvintur,
Biex timitaw sew dawn l-eżempji fiż-żgur.
Inkarigu għandna f’dan iż-“żmien tat-tmiem;”
Jehovah għażilna w bagħ’tna fuq quddiem.
Mela ejjew żgħażagħ ningħaqdu tassew
Mal-qaddejja t’Alla li jħobbu is-sew.
Ħa nxandru t-twiddiba; nfaħħruh bl-isbaħ kliem;
U naqsmu fil-premju la jgħaddu dal-jiem.