Faħħar lil Ġeħova Billi Taqdi Bħala Pijunier

L-​Iżraelin kellhom raġunijiet tajbin biex ifaħħru lil Ġeħova. Hu kien ħariġhom mill-​Eġittu u salvahom mill-​armata tal-​Fargħun. (Eżo 15:1, 2) Ġeħova qed ikompli jagħmel affarijiet tajbin għan-​nies tiegħu. Kif nistgħu nuruh li napprezzaw?—Sa 116:12.

Mod wieħed hu billi naqdu bħala pijunieri awżiljarji jew regulari. Int tistaʼ titlob biex ikollok ix-​xewqa u s-​saħħa biex taqdi bħala pijunier. (Flp 2:13) Ħafna jibdew bħala pijunieri awżiljarji. Int tistaʼ tagħżel li tqattaʼ 30 jew 50 siegħa fix-​xhur taʼ Marzu u April u matul ix-​xahar taż-​żjara tal-​indokratur li jżur il-​kongregazzjonijiet. Meta tara kemm tkun ferħan meta taqdi bħala pijunier awżiljarju, forsi tkun trid tagħmel iktar billi taqdi bħala pijunier regulari. Anki wħud li jaħdmu full-​time jew li għandhom saħħa batuta setgħu jaqdu bħala pijunieri regulari. (mwb16.07 8) Żgur li Ġeħova jistħoqqlu li nagħmlu kull sforz biex infaħħruh!—1Kr 16:25.

ARA L-​VIDJOW TLIET AĦWA FIL-​MONGOLJA, U MBAGĦAD STAQSI L-​MISTOQSIJIET LI ĠEJJIN:

• 

  It-​tliet aħwa liema sfidi għelbu biex jaqdu bħala pijunieri?

• 

  X’barkiet kellhom?

• 

  Minħabba li qdew bħala pijunieri regulari, x’opportunitajiet ġodda kellhom biex jaqdu lil Ġeħova?

• 

  L-​eżempju tagħhom kif affettwa lil oħrajn?