Pijunieri fil-Mediċina
FL-ETÀ taʼ 61 sena, José, Belġjan mill-belt ċkejkna taʼ Oupeye, intqallu li kellu bżonn trapjant tal-fwied. “Kienet l-akbar qatgħa taʼ ħajti,” jgħid hu. Daqs erbgħin sena ilu, it-trapjanti tal-fwied lanqas biss kont timmaġinahom. Anki fis-snin 70, ir-rata taʼ sopravivenza kienet taʼ xi 30 fil-mija biss. Madankollu, illum it-trapjanti tal-fwied isiru b’mod regulari, u r-rata taʼ suċċess hija ħafna akbar.
Imma xorta għad hemm żvantaġġ kbir. Peress li fit-trapjanti tal-fwied taʼ spiss jintilef ħafna demm, ġeneralment it-tobba jagħtu t-trasfużjonijiet tad-demm waqt l-operazzjoni. Minħabba l-konvinzjonijiet reliġjużi tiegħu, José ma riedx demm. Imma t-trapjant tal-fwied riedu. Impossibbli? Hekk jistgħu jaħsbu xi wħud. Imma l-kirurgu ewlieni ħass li hu u l-kollegi tiegħu kellhom ċans tajjeb li joperaw b’suċċess mingħajr demm. U eżatt hekk għamlu! Ħamsa u għoxrin jum biss wara l-operazzjoni tiegħu, José mar lura d-dar fejn martu u bintu.a
Grazzi għall-abbiltajiet taʼ dawk li r-rivista Time issejħilhom “eroj tal-mediċina,” il-mediċina u l-kirurġija mingħajr demm issa saret komuni iktar minn qatt qabel. Imma għala hija mfittxija daqshekk? Biex inwieġbu din il-mistoqsija, ejja neżaminaw l-istorja mimlija konflitti tat-trasfużjonijiet tad-demm.
[Nota taʼ taħt]
a Ix-Xhieda taʼ Jehovah jqisu l-operazzjonijiet tat-trapjanti taʼ l-organi bħala kwistjoni taʼ kuxjenza individwali.
[Stampa f’paġna 3]
Mad-dinja kollha, bħalissa hemm iktar minn 90,000 tabib li ddikjara li hu lest illi jagħti kura mingħajr demm lix-Xhieda taʼ Jehovah