MISTOQSIJIET DWAR IL-​BIBBJA MWEĠBIN

Ġesù Għala Jissejjaħ l-​Iben t’Alla?

Alla m’għandux bżonn mara letterali biex ikollu t-​tfal minnha għax hu l-​Ħallieq tal-​ħlejjaq ħajjin kollha. Il-​bnedmin ġew maħluqin bil-​kapaċità li jimitaw il-​kwalitajiet t’Alla. Huwa għalhekk li l-​ewwel bniedem li Alla ħalaq, Adam, jissejjaħ “bin Alla.” Bl-​istess mod, Ġesù jissejjaħ “l-​Iben t’Alla” għaliex ġie maħluq bi kwalitajiet bħal dawk taʼ Missieru.—Aqra Luqa 3:38; Ġwanni 1:14, 49.

Ġesù meta ġie maħluq?

Alla ħalaq lil Ġesù qabel ma ħalaq lil Adam. Infatti, Alla ħalaq lil Ġesù u mbagħad uża lilu biex jagħmel kull ħaġa oħra, inkluż l-​anġli. Huwa għalhekk li l-​Bibbja lil Ġesù ssejjaħlu “l-​ewwel imwieled mill-​ħolqien kollu” li ħalaq Alla.—Aqra Kolossin 1:15, 16.

Qabel ma twieled f’Betlehem, Ġesù kien jgħix bħala spirtu fis-​sema. Meta wasal il-​waqt, Alla ttrasferixxa l-​ħajja taʼ Ġesù mis-​sema għal ġol-​ġuf taʼ Marija sabiex Ġesù setaʼ jitwieled bħala bniedem.—Aqra Luqa 1:30-​32; Ġwanni 6:38; 8:23.

Alla għala ried li Ġesù jitwieled fuq l-​art bħala bniedem? Ġesù liema rwol speċjali wettaq? Int tistaʼ ssib it-​tweġibiet għal dawn il-​mistoqsijiet fil-​Bibbja, u dawn se jżidu l-​fehma u l-​apprezzament tiegħek għal dak li Alla u Ġesù għamlu għalik.