Siġra li ġiet maqtugħa tistaʼ terġaʼ tikber?

SIĠRA taż-​żebbuġ li hi mgħawġa taf ma tantx tidher impressjonanti meta mqabbla maʼ siġra mill-​isbaħ taċ-​ċedru tal-​Libanu. Imma s-​siġar taż-​żebbuġ għandhom l-​abbiltà tal-​għaġeb li jibqgħu jgħixu minkejja kundizzjonijiet diffiċli. Xi ftit minnhom ilhom ħajjin iktar minn 1,000 sena. L-​għeruq tas-​siġra taż-​żebbuġ jinżlu ’l isfel fil-​fond tal-​ħamrija, u s-​siġra tistaʼ terġaʼ tikber anke jekk iz-​zokk jitqaċċat. Jekk l-​għeruq għadhom ħajjin, mela tistaʼ terġaʼ tikber.

Ir-​raġel leali Ġob kien fiduċjuż li anke jekk imut, kien se jerġaʼ jgħix. (Ġob 14:13-​15) Hu uża l-​eżempju taʼ siġra, jistaʼ jkun is-​siġra taż-​żebbuġ, biex juri kemm kien fiduċjuż fl-​abbiltà t’Alla li jirxoxtah. Ġob qal: “Hemm tama saħansitra għal siġra. Jekk tinqataʼ, terġaʼ tarmi.” Meta tagħmel ix-​xita wara żmien taʼ nixfa, iz-​zokk niexef tas-​siġra taż-​żebbuġ jistaʼ jerġaʼ jieħu l-​ħajja u jipproduċi “fergħa bħal xitla ġdida.”—Ġob 14:7-​9.

Bħalma bidwi jkun ħerqan li jara siġra taż-​żebbuġ li ġiet maqtugħa terġaʼ tikber, hekk ukoll Alla Ġeħova hu ħerqan li jirxoxta lill-​qaddejja tiegħu u lil ħafna wħud oħra. (Mattew 22:31, 32; Ġwanni 5:28, 29; Atti 24:15) Immaġina ftit kemm se nifirħu meta nilqgħu lura l-​mejtin u nerġgħu narawhom ħajjin magħna!