Ndáa ki̱ʼva kuniñúʼuyó JW Library

ÑA̱ VA̱ʼA KAʼVIYÓ:

• Kaʼvi Biblia xíʼin ña̱ texto diario.

• Kaʼvi Anuario, revista xíʼin inkaka tutu. Kuniñúʼu ña̱ naní “Marcadores”.

• Kaʼyí respuesta ña̱ sakuaʼayó reunión.

• Kotondeʼé video.

REUNIÓN:

• Ndukú texto ña̱ káʼa̱n ta̱ káʼa̱ndosó. Kuniñúʼu función ña̱ naní “Historial” ña̱ va̱ʼa ndikoún kaʼviún texto ña̱ xa̱a̱ ka̱ʼviún.

• Ña̱ va̱ʼa kǒo kundiso ku̱a̱ʼún libro kuniñúʼu JW Library ña̱ va̱ʼa kataún á kuniñúʼukaún sava tutu ña̱ kaʼviyó reunión. Ta xa̱a̱ va̱xitu ya̱a̱ xa̱á nu̱úña.

TÁ KEÚN SERVICIO:

• Tá ndáni̱ʼún iin na̱ ndixa kúni̱ sakuaʼa, kuniñúʼu JW Library ña̱ va̱ʼa na̱ʼún sava ña̱ va̱xi nu̱úña nu̱úna, ta chindeé miína ña̱ ná chika̱a̱nañá nu̱ú celular á tableta ña̱ kúúmiína.

• Kuniñúʼu función ña̱ naní “Buscar” ña̱ va̱ʼa ndani̱ʼún iin texto ña̱ Biblia nu̱úña iin kuití tu̱ʼun kaʼyíún ta ndani̱ʼúnña.

• Na̱ʼa̱ iin video. Tá íyo iin se̱ʼena na̱ʼa̱ video nu̱úna ña̱ naní Va̱ʼa koún migo Jehová. Va̱ʼatu na̱ʼún nu̱úna video ña̱ naní ¿Ndachun kaʼviyó Biblia? ña̱ va̱ʼa ná kutóokana sakuaʼana xa̱ʼa Ndióxi̱ ta kixaʼún kaʼviún xíʼinna. Kivi na̱ʼúnña nu̱úna xíʼin tu̱ʼun miína.

• Na̱ʼa̱ nu̱ú iinna iin texto ña̱ Biblia ña̱ va̱xi inka tu̱ʼun ña̱ xa̱a̱ ta̱váún ña̱ va̱xi nu̱ú celular á tableta ña̱ kúúmiíún. Ndukú versículo ña̱ kúni̱ún kaʼviún ta katavi̱ ndaʼa̱ña, tándi̱ʼi katavi̱ ndaʼa̱ nu̱ú va̱xi Biblia ña̱ inka tu̱ʼun.