NÁ SANÁʼA̱ VIÍYÓ | KUSI̱Í-INI ÑA̱ NATÚʼÚN XA̱ʼA̱ NDIÓXI̱
Kuniñúʼu ña̱ xíniñúʼuyó ña̱ nandukúyó xa̱ʼa̱ iin ña̱ʼa
Ku̱a̱ʼání ña̱ʼa táxi Jehová ndaʼa̱yó ña̱ viíka sanáʼa̱yó na̱ yiví. Tá kúú video, tratado, revista, folleto, libro xíʼin mií ña̱ ndáyáʼvi va̱ʼaka: ña̱ Biblia (2Ti 3:16). Ta saátu táxira inka ña̱ chíndeétáʼan xíʼinyó kunda̱a̱-iniyó xa̱ʼa̱ ña̱ va̱xi nu̱ú tu̱ʼunra. Tá kúú Watchtower Library, aplicación JW Library®, BIBLIOTECA NU̱Ú INTERNET Watchtower™ xíʼin Guía de estudio para los testigos de Jehová.
Kusi̱íní-iniún tá ná nandukún ndiʼi ña̱ kúni̱ún kunda̱a̱-iniún xa̱ʼa̱ nu̱ú ndiʼi ña̱ táxi Jehová ndaʼa̱yó. Saátu kivi sanáʼún na̱ káʼviún xíʼin ná kuniñúʼuna ña̱yóʼo. Ta saátu na̱yóʼo kusi̱íní-inina tá ná ndani̱ʼína ña̱ kúni̱na kunda̱a̱-inina xa̱ʼa̱.
TÁNDI̱ʼI XI̱TONDÓ VIDEO ÑA̱ NANÍ KÚSI̱ÍNÍ-INIYÓ TÁ NÁTÚʼUNYÓ XÍʼIN NA̱ YIVÍ. NÁ TAXIYÓ CHINDEÉTÁʼAN JEHOVÁ XÍʼINYÓ: ÑA̱ XÍNIÑÚʼUYÓ ÑA̱ NANDUKÚYÓ XA̱ʼA̱ IIN ÑA̱ʼA, NDAKUIINNDÓ PREGUNTA YÓʼO:
¿Ndáaña ni̱ka̱ʼa̱n ñá Coral xa̱ʼa̱ ña̱ʼa ña̱ i̱xava̱ʼa Ndióxi̱?
¿Ndáa míí na̱ndukú ñá Rita ña̱ kivi chindeétáʼan xíʼin ñá Coral?
Kúsi̱íní-iniyó tá káʼviyó xa̱ʼa̱ iin ña̱ʼa ña̱ ndáyáʼviní ta nátúʼunyó xa̱ʼa̱ña xíʼin inkana.
¿Ndáa ki̱ʼva nda̱kaxin ñá Rita mií ña̱ kivi chindeétáʼan xíʼin ñá Coral?
¿Ndáaña ndo̱ʼo ñá Rita tá xa̱a̱ ndi̱ʼi na̱ndukúñá xa̱ʼa̱ ña̱ kivi chindeétáʼan xíʼin ñá Coral?