¿Ndáa ki̱ʼva kuniñúʼuyó ña̱ va̱xi nu̱ú káʼa̱nña xíʼinyó ndáa ki̱ʼva natúʼunyó xíʼin na̱ yiví?

Viíní ndáka̱xinna ña̱ kána nu̱ú táʼví ña̱ naní Ndáa ki̱ʼva natúʼunyó xíʼin na̱ yaví, ta xa̱a̱ ku̱a̱ʼání na̱ publicador va̱ʼaní chíndeétáʼan ña̱yóʼo xíʼinna tá nátúʼunna xíʼin na̱ yiví territorio ña̱ kúúmiína. Soo xa̱a̱ síín síín íyo ña̱ ndóʼo na̱ yiví ñuu nu̱ú íyona. Ña̱kán, tá ku̱a̱ʼa̱nyó natúʼunyó xa̱ʼa̱ Ndióxi̱ ta xíniñúʼuyó táʼví ña̱ naní Ndáa ki̱ʼva natúʼunyó xíʼin na̱ yiví, kiviva nasama loʼoyó ña̱yóʼo á kivitu ka̱ʼa̱nyó xíʼinna xa̱ʼa̱ tema ña̱ kútóona kunda̱a̱-inina xa̱ʼa̱. Soo tá káʼa̱nna xíʼinyó ndáa ki̱ʼva natúʼunyó xíʼin na̱ yiví tá xíyo iin campaña, va̱ása kivi nasamayó ña̱yóʼo. Soo ná ndakaʼányó chi ña̱ kúni̱yó kúú ña̱ ku̱ʼu̱nyó natúʼunyó xa̱ʼa̱ Reino Ndióxi̱ xíʼin na̱ yiví, chi ña̱yóʼo kúú chiñu ña̱ xa̱ʼnda ta Jesús nu̱úyó (Mt 24:14).

Tá yáʼa iin na̱ hermano ti̱xin reunión ña̱ xíyo ma̱ʼñú semana, xíniñúʼu kuniñúʼuna tema nu̱ú va̱xi ña̱ káʼa̱n xíʼinyó Ndáa ki̱ʼva natúʼunyó xíʼin na̱ yiví ña̱ kána nu̱ú Tutu nu̱ú Va̱xi ña̱ Keʼéyó Reunión. Soo sava yichi̱ kiviva nasamana pregunta ña̱ kéʼéna xíʼin na̱ yiví, texto ña̱ kaʼvina nu̱úna á pregunta ña̱ ndakuiinna inka yichi̱ á kivitu natúʼunna xíʼin na̱ yiví ña̱ kúni̱na kunda̱a̱-inina xa̱ʼa̱. Ña̱yóʼo kúú ña̱ kundiku̱nyó vitin ta va̱ása kundiku̱nkayó ña̱ va̱xi nu̱ú Tutu nu̱ú Va̱xi ña̱ Keʼéyó Reunión ña̱ ka̱na yo̱o̱ junio 2020 página 8.