Kuniñúʼu letra ña̱ va̱xi nu̱ú Biblia

Tá káʼviún Biblia Traducción del Nuevo Mundo ña̱ tu̱ʼun sáʼán va̱xi sava letra válí nu̱ú texto. ¿Nda̱chun va̱xi letra válí yóʼo? Ña̱ va̱ʼa na̱ʼa̱ña nu̱úyó ña̱ va̱xi savaka versículo ña̱ káʼa̱n xa̱ʼa̱ ña̱yóʼo. Ña̱yóʼo náʼa̱ña nu̱úyó ña̱ sava táʼví Biblia inkáchi kítáʼanña. Tá xíniñúʼún Biblia ña̱ tutu kivi nandukún letra válí yóʼo xíʼin texto ña̱ kítáʼan xíʼinña ma̱ʼñú página ña̱ káʼviún, soo tá káʼviún Biblia nu̱ú ña̱ sitio jw.org á nu̱ú ña̱ aplicación JW Library^®, kivi katavi ndaʼún nu̱ú letra válí yóʼo tá saá kana texto ña̱ kítáʼan xíʼin versículo ña̱ káʼviún.

¿Ndáaña káʼa̱n ña̱yóʼo xa̱ʼa̱? Yóʼo va̱xi sava ejemplo:

Inkaka texto ña̱ inkáchi káʼa̱n xa̱ʼa̱ ña̱ ku̱u: Tá katavi ndaʼún letra válí yóʼo, kána inkaka texto ña̱ inkáchi káʼa̱n xíʼin texto ña̱ káʼviún. Tá kúú 2 Samuel 24:1 va̱xi iin letra loʼo ña̱ chíndaʼá yóʼó nu̱ú 1 Crónicas 21:1.

Ña̱ va̱xi nu̱ú inka texto: Ña̱ letra válí yóʼo náʼa̱ña inka texto nu̱ú ta̱vána ña̱ ni̱ka̱ʼa̱nna. Tá kúú nu̱ú Mateo 4:4 va̱xi iin letra loʼo ña̱ chíndaʼá yóʼó nu̱ú ña̱ Deuteronomio 8:3.

Profecía ta saátu tá ni̱xi̱nuña: Sava letra válí yóʼo chíndaʼáña yóʼó ndáa ki̱ʼva ni̱xi̱nu profecía. Tá kúú nu̱ú Zacarías 9:9 chíndaʼáña yóʼó nu̱ú Mateo 21:5 nu̱ú ni̱xi̱nu profecía yóʼo.