“ကသောင်းကနင်းဖြစ်နေတဲ့ ဒီလောကထဲမှာ လန်းဆန်းမှုကိုဖြစ်စေတယ်”

လွန်ခဲ့သည့်နှစ်က ယူဂိုစလားဗီးယားမှအသက် ၂၂ နှစ်အရွယ်အီဂေါရ်သည် ကင်းမျှော်စင်မဂ္ဂဇင်းနှင့်ပတ်သက်၍ရေးခဲ့သည့်စာတစ်စောင်တွင် အထက်ပါအတိုင်းတင်ပြခဲ့သည်။ သူဤသို့ရှင်းပြခဲ့သည်–

“လွန်ခဲ့တဲ့လအနည်းငယ်တုန်းက ကျွန်တော်ဟာ ကင်းမျှော်စင်မဂ္ဂဇင်းကို စပြီးဖတ်ခဲ့တယ်။ ကင်းမျှော်စင် အသစ်တွေရော အဟောင်းတွေကိုပါ (၁၉၉၁ မှစ၍) ကျွန်တော်ဖတ်ခဲ့တယ်၊ ဒါတွေကို ကျွန်တော်တကယ်ကြိုက်တယ်ဗျာ။ ဒီလိုမဂ္ဂဇင်းမျိုးဟာ ဒီကသောင်းကနင်းဖြစ်နေတဲ့လောကထဲမှာ လန်းဆန်းမှုကိုတကယ်ပဲပေးတဲ့အရာဖြစ်တယ်လို့ ကျွန်တော်ထင်တယ်။

“[ခရစ်ယာန်] သာသနာပြုတွေနဲ့ပတ်သက်ပြီး ခင်ဗျားတို့ထုတ်ဝေခဲ့တဲ့ဆောင်းပါးတွေက ကျွန်တော့်ကို အထူးစိတ်ဝင်စားစေတယ်၊ ဒါကြောင့် ကျွန်တော်ခင်ဗျားတို့ဆီစာရေးရတာပါ။ ဦးဆုံး ကျွန်တော်ဟာ ယေဟောဝါသက်သေတစ်ယောက်ဖြစ်နိုင် မဖြစ်နိုင်ဆိုတာကိုသိချင်ပါတယ်။ ကျွန်တော်ဟာ ကက်သလစ်တစ်ယောက်ဖြစ်တယ်၊ အထူးသဖြင့် ဘုရားသခင့်နှုတ်မြွက်စကားတော်ကိုပျံ့နှံ့စေဖို့ အစွမ်းကုန်ကြိုးစားအားထုတ်တဲ့ တခြားဘာသာတစ်ခုမှမရှိတဲ့အတွက် ခင်ဗျားတို့ဘာသာဟာ တခြားဘာသာတွေထက်ပိုကောင်းတယ်လို့ ကျွန်တော့်ရဲ့ထင်မြင်ချက်ကို ကျွန်တော်ဖော်ပြရဲတယ်။

“ကျွန်တော်ဟာ ကက်သလစ်တစ်ယောက်ဖြစ်တယ်ဆိုတဲ့အချက်က အဆီးအတားမဖြစ်ဘူးဆိုရင် ယေဟောဝါသက်သေတစ်ယောက် ဘယ်လိုဖြစ်လာနိုင်တယ်ဆိုတာကို သိချင်နေပါတယ်။ ကျွန်တော့်မှာ ဆန္ဒတစ်ခုပဲရှိတယ်။ ဖြစ်နိုင်မယ်ဆိုရင် ဘဲဂရိတ်မြို့မှာ ကျွန်တော်နှစ်ခြင်းခံချင်တယ်။ ဒါဖြစ်နိုင်မယ်ဆိုရင် ကျွန်တော်ဘယ်တော့လာရမလဲနဲ့ နှစ်ခြင်းခံဖို့အတွက် တခြားဘာတွေလိုအပ်တယ်ဆိုတာကို ကျေးဇူးပြုပြီးပြောပြပါ။ တကယ်လို့ ကျွန်တော့်ရဲ့ဆန္ဒမဖြစ်နိုင်ဘူးဆိုရင် ဘယ်နေရာမှာကျွန်တော်နှစ်ခြင်းခံရမလဲနဲ့ ဒီအတွက် ဘယ်သူ့ဆီကိုကျွန်တော်ချဉ်းကပ်ရမယ်ဆိုတာကို ကျေးဇူးပြု၍အကြောင်းကြားပေးပါ။

“နောက်တစ်ခု ကျွန်တော်သိချင်တာက [ခရစ်ယာန်] သာသနာပြုတစ်ယောက် ဘယ်လိုဖြစ်လာနိုင်သလဲဆိုတာပါပဲ။ ကျွန်တော်နှစ်ခြင်းခံပြီးတာနဲ့ [ခရစ်ယာန်] သာသနာပြုလုပ်ငန်းအတွက် လေ့ကျင့်မှုစယူနိုင်မနိုင်ဆိုတာကိုလည်းသိချင်ပါတယ်။ လုပ်ငန်းတော်မှာ လုပ်သက်နှစ်အနည်းငယ်ရှိဖို့ လိုအပ်ပါသလား။ . . .

“ကျေးဇူးပြုပြီး ကျွန်တော့်ရဲ့စာကို အလေးအနက်ထားစဉ်းစားပေးပါ။ ဘုရားသခင့်နိုင်ငံတော်သတင်းကောင်းကိုကျယ်ပြန့်ဖို့ အကောင်းဆုံးနည်းဟာ [ခရစ်ယာန်] သာသနာပြုတစ်ယောက်ဖြစ်ခြင်းပဲလို့ ကျွန်တော်ထင်တယ်။”

ကင်းမျှော်စင်တိုင်း၏ စာမျက်နှာ ၂ တွင်မဂ္ဂဇင်း၏ရည်မှန်းချက်ကို ဤသို့ရှင်းပြထားသည်– “များမကြာမီ ဘုရားသခင်နိုင်ငံတော်သည် ကမ္ဘာကိုပရဒိသုအဖြစ်သို့ ပြောင်းလဲစေတော်မူမည်ဟူသောသတင်းကောင်းဖြင့် လူအပေါင်းတို့ကိုနှစ်သိမ့်ပါသည်။” သင်သည် တစ်စောင်ရလိုလျှင်လည်းကောင်း၊ တစ်ဦးတစ်ယောက်က သင်၏အိမ်တွင် သင်နှင့်အတူ အခမဲ့ကျမ်းစာသင်အံမှုကျင်းပလိုလျှင်လည်းကောင်း ၉၄-ခ၊ အင်းယားလမ်း၊ ရန်ကုန်မြို့၊ သို့မဟုတ် စာမျက်နှာ ၅ ပါသင့်လျော်ရာလိပ်စာသို့ စာရေးဆက်သွယ်ပါ။