ဘုရားသခင် အမှန်ပင်ရှိသလော

ထိုင်းနိုင်ငံမှလူငယ်တစ်ဦးက “ဘုရားသခင်၊ ကိုယ်တော်တကယ်ပဲရှိမယ်ဆိုရင် ကိုယ်တော်ရဲ့နည်းလမ်းတွေကိုသင်ယူဖို့ ကျွန်တော့်ကို ကူညီတော်မူပါ” ဟုဆုတောင်းခဲ့ကြောင်း ပြောပြသည်။ ထို့နောက် သူဤသို့ရှင်းပြ၏–

“ယေဟောဝါသက်သေတစ်ဦး ကျွန်တော်အိမ်ကို ရောက်လာတယ်၊ ဒါပေမဲ့ ကျွန်တော်အိမ်မှာမရှိခဲ့ဘူး။ ဝေစာတစ်စောင်နဲ့ စည်းဝေးကျင်းပတဲ့နေရာကိုပြထားတဲ့ ဖိတ်စာတစ်ခုကို ထားပေးခဲ့တယ်။” ထိုသူသည် စာတွင် ညွှန်ပြထားသည့်လိပ်စာအတိုင်း သွားခဲ့သည်။ သူဤသို့ပြောပြ၏– “ခန်းမဟာ အရမ်းသန့်ရှင်းတယ်၊ ဂုဏ်ပကာသနတွေမရှိဘူး၊ လူတွေဟာ လှိုက်လှိုက်လှဲလှဲရှိပြီး ဖော်ရွေကြတယ်။”

“ကျွန်တော့်ကိုစိတ်စွဲမှတ်သွားစေတဲ့အရာ နောက်တစ်ခုကတော့ လူတိုင်းမှာ ကိုယ်ပိုင်ကျမ်းစာအုပ်တွေရှိပြီး ဟောပြောသူနဲ့အတူ သူတို့ရဲ့ကျမ်းစာအုပ်ကို လိုက်ဖွင့်နေကြတာဖြစ်တယ်။ အဲဒါက စစ်မှန်တဲ့ဘာသာရေးသွန်သင်ချက်တွေရဲ့ အဓိကသော့ချက်ကိုသိဖို့အတွက် သမ္မာကျမ်းစာကို လေ့လာသင့်တယ်ဆိုတဲ့ ကျွန်တော့်ရဲ့ခံစားချက်နဲ့ တစ်ထပ်တည်းဖြစ်နေတယ်။ ကလေးတွေပါ လေ့လာမှုအစီအစဉ်တွေမှာ ပါဝင်နိုင်ကြပြီး အဖြေတွေကိုလည်း ပေးနိုင်ကြတာက ကျွန်တော့်ကို ပိုပြီးတအံ့တသြဖြစ်စေတယ်။ ဒီလိုမျိုး ကျွန်တော်တစ်ခါမှ မတွေ့ ဖူးဘူး။”

ယေဟောဝါသက်သေများ၏ စည်းဝေးများတွင်အသုံးပြုသော ကျမ်းစာအခြေပြုစာပေများထဲမှတစ်ခုမှာ သင့်ကိုဂရုစိုက်တော်မူသော ဖန်ဆင်းရှင်တစ်ပါးရှိသလော စာအုပ်ဖြစ်သည်။ ပူးတွဲပါကူပွန်တွင်ဖော်ပြထားသည့်လိပ်စာ သို့မဟုတ် ဤမဂ္ဂဇင်း၏စာမျက်နှာ ၅ တွင်ပါသည့် သင့်လျော်ရာလိပ်စာတစ်ခုကိုဖြည့်စွက်ကာ စာတိုက်ဖြင့်ပေးပို့ ခြင်းဖြင့် ဤ ၁၉၂ မျက်နှာအဖုံးပျော့စာအုပ်ကို ရယူနိုင်ပါသည်။

□ သင့်ကိုဂရုစိုက်တော်မူသော ဖန်ဆင်းရှင်တစ်ပါးရှိသလောစာအုပ်ကို ကျွန်ုပ်ထံပို့ပေးပါ။ မည်သည့်ဘာသာစကားဖြင့်ရလိုကြောင်းဖော်ပြပါ။

□ အခမဲ့အိမ်တွင်းကျမ်းစာသင်အံမှုအတွက် ကျေးဇူးပြု၍ ကျွန်ုပ်နှင့်ဆက်သွယ်ပါ။

[Picture Credit Line on page 24]

“Pillars of Creation” on cover of book: J. Hester and P. Scowen (AZ State Univ.), NASA