ကယ်တင်ရှင်တစ်ပါး ယေဟောဝါပေးသနား

၂၉ ဘုရားသခင် ဖန်ဆင်းသော ပထမဆုံး နာမ်ဝိညာဉ်ပုဂ္ဂိုလ်သည် ကိုယ်တော့်အတွက် သားဦးပင်ဖြစ်သည်။

ဘုရားသခင် သူ့ကို အလွန်ချစ်ပြီး လူဆိုးတို့ကို ဖျက်ဆီးရန်နှင့် နာခံသော သူတို့ကို ကယ်တင်ရန် သူ့ကို သုံးလိမ့်မည်။ —ယောဟန် ၃:၁၆၊ ၃၆

၃၀ သားတော်ကို ကမ္ဘာပေါ်မွေးရန် ယေဟောဝါစေလွှတ်ပြီး ယေရှုဟုနာမည်မှည့်၏။ သူ့မိခင်မှာ မာရိဖြစ်၏။—လုကာ ၁:၃၀-၃၅

၃၁ ယေရှုကြီးပြင်းလာသောအခါ ကောင်းသောအရာများစွာ သင်ပေးသည်။ ယေဟောဝါတစ်ပါးတည်းသာ မှန်သောဘုရားသခင်ဖြစ်ကြောင်း သင်ပေးသည်။ —မာကု ၁၂:၂၉၊ ၃၀

ယေဟောဝါကိုသာ ဝတ်ပြုရမည်ဟု ယေရှုပြောသည်။—မဿဲ ၄:၁၀; ယောဟန် ၄:၂၃၊ ၂၄

ယေဟောဝါ၏နိုင်ငံတော်အကြောင်းကိုလည်း လူတို့အား သင်ပေးသေးသည်။—လုကာ ၁၇:၂၀၊ ၂၁

၃၂ လူနာများကို ယေရှု ပျောက်ကင်းစေပြီး သုစရိုက်များစွာပြုကာ ဒုစရိုက် မပြုခဲ့။ —တမန်တော် ၁၀:၃၈; ၁ ပေတရု ၂:၂၁၊ ၂၂

အပြစ်နှင့်သေခြင်းမှ သူ မည်သို့ကယ်တင်မည်နည်း။

၃၃ လူကောင်းတို့ကို ကယ်တင်ရန် ဘုရားသခင်ထံ သူယဇ်ပူဇော်ရပါသည်။ အပြစ်များအတွက် တိရစ္ဆာန်များကိုပူဇော်ရန် ရှေးအချိန်က လူတို့ကို ဘုရားသခင်ခိုင်းခဲ့သည်။ —ဟေဗြဲ ၇:၂၅၊ ၂၇

၃၄ တိရစ္ဆာန်များကို ယေရှု မပူဇော်ခဲ့ပါ။ မိမိကိုယ်ကို ကျွန်ုပ်တို့အတွက် ပူဇော်ခဲ့သည်။ —မဿဲ ၂၀:၂၈; ဟေဗြဲ ၁၀:၁၂

အဘယ်ကြောင့်ဆိုသည်ကို သင်သိသလော။