မာတိကာ — ကင်းမျှော်စင် အွန်လိုင်း စာကြည့်တိုက်

ပထမဆောင်းပါးက ဝတ်ပြုရေးမှာ ခရစ်ယာန်မိသားစုဝင်ယောက်တိုင်းကို နိုးကြားစေတဲ့ တာဝန်တွေအကြောင်း ဆွေးနွေးထားတယ်။ ဒုတိယဆောင်းပါးမှာတော့ မိသားစုတစ်စုလုံးနဲ့ ဘုရားသခင်ရဲ့ဆက်ဆံရေးကို ခိုင်မြဲစေရာမှာ မရှိမဖြစ်လိုအပ်တဲ့ ရိုးရှင်းတဲ့မျက်စိကို ဆက်ထိန်းထားနိုင်ပုံ၊ ၀တ်ပြုရေးနဲ့ဆိုင်တဲ့ ပန်းတိုင်တွေကို ပြည့်မီနိုင်ပုံ၊ မိသားစုဝတ်ပြုမှုညချမ်းကို ပြုလုပ်နိုင်ပုံတို့ကို သုံးသပ်ထားပါတယ်။

သင်တန်းဆောင်းပါး ၃ စာမျက်နှာ ၁၆-၂၀

ကိုယ်တော့်ကျေးကျွန်တွေရဲ့ဘဝမှာ ယေဟောဝါက အရေးကြီးဆုံးပုဂ္ဂိုလ်ဖြစ်သင့်တယ်။ ဒါနဲ့ပတ်သက်ပြီး ပထမဆုံးမိန်းမ ဧဝ၊ သစ္စာရှိသူ ယောဘနဲ့ စုံလင်တဲ့သားတော် ယေရှုခရစ်တို့ရဲ့အဖြစ်အပျက်ကနေ ကျွန်ုပ်တို့ သင်ယူနိုင်တဲ့သင်ခန်းစာကို ဒီဆောင်းပါးမှာ အလေးပေးဖော်ပြထားတယ်။

သင်တန်းဆောင်းပါး ၄ စာမျက်နှာ ၂၁-၂၅

ရောမအခန်းကြီး ၁၁ မှာ တမန်တော်ပေါလုက ပုံဆောင်သံလွင်ပင်အကြောင်း ပြောထားတယ်။ သံလွင်ပင်ရဲ့အစိတ်အပိုင်းအသီးသီးက ဘာကိုတင်စားသလဲ။ တင်စားချက်တွေရဲ့အဓိပ္ပာယ်ကို ကျွန်ုပ်တို့လေ့လာတဲ့အခါ ယေဟောဝါရဲ့ရည်ရွယ်ချက်အကြောင်း ပိုသိရှိရုံသာမက ကိုယ်တော့်ဉာဏ်ပညာရဲ့နက်နဲမှုကိုပါ အံ့သြချီးမွမ်းကြရမှာဖြစ်တယ်။

သင်တန်းဆောင်းပါး ၅ စာမျက်နှာ ၂၈-၃၂

ဒီဆောင်းပါးမှာ ဘုရင်ဒါဝိဒ်ရေးစပ်ထားတဲ့ ဆာလံ ၃ နဲ့ ၄ ကို ဆွေးနွေးထားတယ်။ စွမ်းအားတော်တိုက်တွန်းမှုနဲ့ရေးစပ်ထားတဲ့ ဒီသီချင်းတွေက ယေဟောဝါရဲ့အကူအညီအတွက် ကျွန်ုပ်တို့ဆုတောင်းပြီး ကိုယ်တော့်ကို အပြည့်အဝယုံကြည်ကိုးစားမယ်ဆိုရင် စိတ်ငြိမ်သက်မှုနဲ့ လုံခြုံမှုခံစားရနိုင်တယ်ဆိုတာ ဖော်ပြတယ်။ သားဖြစ်သူအဗရှလုံရဲ့ သစ္စာဖောက်ခံရခြင်းလိုမျိုး ဘေးဒုက္ခဆိုးတွေနဲ့ ဒါဝိဒ်ကြုံတွေ့ရတဲ့အခါ အဲဒီအတိုင်းလုပ်ဆောင်ခဲ့တယ်။

အရန်ဆောင်းပါးများ

၃ ဘုရားသခင့်တရားစကားတော်ကို ဖတ်ရှုလေ့လာရတာ သင်ပျော်မွေ့သလား

၆ “တကယ်ကောင်းတဲ့ ကြီးကြပ်မှူး၊ ချစ်ခင်ရတဲ့မိတ်ဆွေ”

၂၆ အကောင်းဆုံးခေါင်းဆောင် ခရစ်တော်နောက်လိုက်ပါ