ရှေ့ဆောင်ကျောင်း

^၁ ယေဟောဝါရှင်သည် ကြီးမြတ်တော်မူသောသွန်သင်ပို့ချသူဖြစ်တော်မူ၏။ ယင်းကြောင့်လည်း ကိုယ်တော်၏သားတော် ယေရှုခရစ်သည် အသက်ရှင်ခဲ့သမျှတွင် အကြီးမြတ်ဆုံးဆရာဖြစ်ရပေသည်တကား။ ကိုယ်တော်ရှင်နှစ်ပါး၏ သွန်သင်ပို့ချမှုကို ကျွန်ုပ်တို့ခံယူရခြင်းသည် အခွင့်ထူးမြတ်လှပေသည်။ ကျွန်ုပ်တို့တက်ရောက်သည့် ပတ်စဉ်အစည်းအဝေးတိုင်း၊ စည်းဝေးပွဲကြီးတိုင်းသည် ကျွန်ုပ်တို့အားသွန်သင်ပို့ချပေးရန် စီစဉ်ရေးဆွဲထားပေးပါသည်။ ဤသီအိုကရက်တစ်အစည်းအဝေးများကို တက်ရောက်နိုင်ခြင်းကား ဘုရားသခင့်ကျေးကျွန်များအတွက် ကြီးမြတ်လှသောအခွင့်ထူးဖြစ်သည်။

^၂ ရှေ့ဆောင်ကျောင်းသည် မှန်မှန်ရှေ့ဆောင်နှင့်အထူးရှေ့ဆောင်များအတွက်သာဖြစ်သည့် အခွင့်ထူးဖြစ်ပေသည်။ ဤနှစ်မေလ၌ ရန်ကုန်မြို့တွင် (ရက်စွဲများကို နောက်မှကြေညာမည်) ရှေ့ဆောင်ကျောင်းကျင်းပပါမည်။ အသင်တက်ရောက်ခွင့်ရှိမည်လော။ ဤကျောင်းကိုမတက်ဖူးသေးသော အထူးရှေ့ဆောင်အားလုံး မေလတွင်တက်ခွင့်ရကြမည်။ ၁၉၉၁ နိုဝင်ဘာ ၁ ရက်ကတည်းက မှန်မှန်ရှေ့ဆောင်ခဲ့သောသူများကိုလည်း ဖိတ်ခေါ်ပါမည်။

^၃ သင်တို့အားဇွဲလုံ့လရှိစေပြီး လယ်ကွင်း၌ထိမိသောဓမ္မအမှုဆောင်များဖြစ်စေရန် များစွာအကူအညီပေးမည့်ကျောင်းဖြစ်မည်။ ဤကျောင်းကိုတက်ခွင့်ရှိသူများအား ရှေ့ဆောင်ဖြစ်ရန် လေ့ကျင့်ပေးဖို့မဟုတ်ပါ။ အကြောင်းမှာ သူတို့သည် လွန်ခဲ့သောခြောက်လ သို့မဟုတ် ထိုထက်မကအချိန်ပိုင်းတွင် ရှေ့ဆောင်များဖြစ်ပြီးနှင့်ကြပြီ။ သိုးကဲ့သို့သူများကိုရှာဖွေရာ၌ ပိုထိရောက်စေရန်နှင့် လူတို့အား ဆက်ကပ်အပ်နှံသည့်ခြေလှမ်းကိုယူနိုင်ရန် ကူညီပေးဖို့ သာ၍ထိရောက်လာစေရန်အတွက်ဖြစ်သည်။

^၄ ရှေ့ဆောင်ကျောင်း ကျောင်းသုံးစာအုပ်အသစ်တစ်ခုကို ကျောင်းသားတိုင်းအား ပေးပါမည်။ ပြန်သွားကြသည့်အခါ အပိုင်ယူသွားနိုင်မည်။ အသင်းတော်ထံ တိုက်နယ်ရောက်လာသည့်အခါ ၄င်းကို မကြာခဏပြန်လေ့လာသုံးသပ်နိုင်ပါမည်။ ကြေညာသူများစွာတို့သည်လည်း ရှေ့ဆောင်ကျောင်းသင်တန်းမှ အကျိုးခံစားရရန် မှန်မှန်ရှေ့ဆောင်နိုင်ကြပါစေ။