မဂ္ဂဇင်းများနှင့်ပတ်သက်၍ ပြောဆိုရမည့်စကားများ

ကင်းမျှော်စင် မတ် ၁

“ဆင်းရဲခက်ခဲမှု၊ ရောဂါ၊ သေခြင်းအကြောင်း နေ့တိုင်း ကျွန်တော်တို့ကြားနေရတယ်။ ဒါပေမဲ့ ဒီကျမ်းချက်က လူသန်းပေါင်းများစွာကို မျှော်လင့်ချက်ပေးတယ်။ [ယောဟန် ၃:၁၆ ကိုဖတ်ပါ။] ဒီမဂ္ဂဇင်းထဲမှာပါတဲ့အကြောင်းကတော့ ‘ယေရှု၏သေခြင်းက သင့်အား ကယ်တင်နိုင်ပုံ’ ဖြစ်ပါတယ်။”

နိုးလော့! မတ်

“အယူသီးမှုဟာ ဘေးကင်းတယ်လို့ လူအများစု ယူဆကြတယ်။ တချို့ကျတော့ ဒါဟာ အန္တရာယ်ရှိတယ်လို့ ယူဆကြတယ်။ ကျမ်းစာထဲမှာ စိတ်ဝင်စားဖို့ကောင်းတဲ့ ဒီစကားပါတယ်။ [ဟေရှာယ ၆၅:၁၁ ဖတ်။] ဒီဆောင်းပါးထဲမှာ အယူသီးမှုဟာ ကျမ်းစာသွန်သင်ချက်နဲ့ ကိုက်ညီရဲ့လားဆိုတာ ဆွေးနွေးထားပါတယ်။” စာမျက်နှာ ၁၀ ရှိဆောင်းပါးကိုပြပါ။

ကင်းမျှော်စင် ဧပြီ ၁

“ဒီပရောဖက်ပြုချက်ပြည့်စုံလာတာကို မိတ်ဆွေမတွေ့ချင်ဘူးလား။ [ဟေရှာယ ၂:၄ ကိုဖတ်၍ တုံ့ပြန်မှုကိုစောင့်ပါ။] ဘုရားသခင်ဟာ လူ့အရေးကိစ္စတွေမှာ ကြားဝင်ဆောင်ရွက်ပြီး “ဆုံးမ” မယ်ဆိုတာ သတိပြုပါ။ စစ်ပွဲအားလုံးကိုအဆုံးတိုင်စေမယ့် အာမဂေဒုန်လို့ခေါ်တဲ့ စစ်ကို ဘုရားဆင်နွှဲမယ်ဆိုတာ ကျမ်းစာကဖော်ပြတယ်။ ဒီမဂ္ဂဇင်းက အာမဂေဒုန်ဆိုတာဘာလဲ၊ ဘာကြောင့်စောင့်မျှော်သင့်သလဲဆိုတာကို ရှင်းပြပေးတယ်။”

နိုးလော့! ဧပြီ

“ဒီကျမ်းချက်ထဲမှာဖော်ပြထားတဲ့ အချိန်ကာလမှာ ကျွန်တော်တို့အသက်ရှင်နေကြသလားဆိုပြီး လူအများစု စဉ်းစားကြတယ်။ [၂ တိမောသေ ၃:၁-၄ ကိုဖတ်ပါ။] နောက်ဆုံးကာလနဲ့ပတ်သက်ပြီး အလွန်စိတ်ဝင်စားသင့်တဲ့အကြောင်းရင်းကောင်းကတော့ ဒီအဖြစ်အပျက်တွေက ကမ္ဘာမြေမှာ ကောင်းတဲ့အရာတွေ ဖြစ်လာတော့မယ်ဆိုတာ ဖော်ပြနေလို့ပဲ။ ဒီမဂ္ဂဇင်းက ရှင်းပြပေးပါတယ်။”