ကြေညာချက်များ

◼ ဇွန်တွင်ဝေငှမည့်စာပေ– သမ္မာကျမ်းစာအမှန်တကယ်သွန်သင်ရာမှာ အဘယ်နည်း။ ကျမ်းစာသင်အံမှုစတင်ဖို့ အထူးကြိုးစားပါ။ ဇူလိုင်– အောက်ပါ ၃၂-မျက်နှာရှိ မည်သည့်ဘရိုရှာကိုမဆို အသုံးပြုနိုင်သည်– ဘုရားသခင်သည် ကျွန်ုပ်တို့အား အမှန်ပင်ဂရုစိုက်တော်မူသလော၊ ကမ္ဘာသားဘဝ ထာဝရစံစားကြ!၊ စောင့်နေကြလော့!၊ “ကြည့်ရှုလော့! ငါသည် ခပ်သိမ်းသောအရာတို့ကို အသစ်ဖန်ဆင်းသည်၊” ထာဝစဉ်တည်တံ့သွားမည့် မြင့်မြတ်သောနာမတော်၊ ပရဒိသုဖြစ်ပေါ်စေမည့် ဘုရားသခင့်အစိုးရ၊ ဘဝရည်ရွယ်ချက်ကား အဘယ်နည်း​—ယင်းကို သင်မည်သို့ရှာတွေ့နိုင်သနည်းနှင့် သင်ချစ်ရသူတစ်ဦးကွယ်လွန်သည့်အခါ။ ဩဂုတ်နှင့် စက်တင်ဘာ– သမ္မာကျမ်းစာအမှန်တကယ်သွန်သင်ရာမှာ အဘယ်နည်း။ ပထမအကြိမ်လည်ပတ်ချိန်တွင် ကျမ်းစာသင်အံမှုစတင်ရန် အထူးကြိုးစားအားထုတ်ကြမည်။ အိမ်ရှင်များသည် ဤစာအုပ်ရရှိပြီးသားဖြစ်လျှင် ကျမ်းစာသင်အံမှုတစ်ခု တိုတိုတုတ်တုတ်သရုပ်ပြခြင်းအားဖြင့် ယင်းစာအုပ်မှ သူတို့အကျိုးရရှိနိုင်ပုံကို တင်ပြပါ။

◼ ဩဂုတ်လတွင် စနေတနင်္ဂနွေငါးပတ်ရှိသောကြောင့် အရန်ရှေ့ဆောင်လုပ်ရန် အကောင်းဆုံးလဖြစ်လိမ့်မည်။

◼ ဦးစီးကြီးကြပ်မှူးတာဝန်ပေးသူသည် မတ်၊ ဧပြီနှင့် မေလများအတွက် အသင်းတော်စာရင်းအင်းများကို စစ်ဆေးသင့်သည်။ စစ်ဆေးပြီးသောအခါ ယင်းကို နောက်စာရင်းအင်းအစီရင်ခံစာနှင့်အတူ အသင်းတော်အား ကြေညာပေးသင့်သည်။—အသင်းတော်စာရင်းအင်းဆိုင်ရာ ညွှန်ကြားချက်များ (S-27) ကိုရှု။

◼ မှန်မှန်ရှေ့ဆောင်လုပ်ငန်းအတွက် လျှောက်လွှာများကို စတင်လုပ်ရန်တောင်းဆိုထားသည့် ရက်စွဲမတိုင်မီ အနည်းဆုံး ရက် ၃၀ ကြို၍ ဌာနခွဲရုံးသို့ပို့ရန် အကြံပြုပါသည်။ အသင်းတော်အတွင်းရေးမှူးသည် ပုံစံစာရွက်များကို ပြည့်ပြည့်စုံစုံ ဖြည့်စွက်မှုရှိမရှိ ပြန်စစ်ဆေးသင့်သည်။ လျှောက်ထားသူများသည် သူတို့ နှစ်ခြင်းခံသည့် ရက်စွဲအတိအကျကို မမှတ်မိပါက ခန့်မှန်းခြေကိုထည့်ကာ ယင်းကို သူ၏နှစ်ခြင်းခံရက်စွဲအဖြစ် မှတ်သားထားသင့်သည်။ အတွင်းရေးမှူးသည် ၎င်းရက်စွဲကို အသင်းတော်ကြေညာသူမှတ်တမ်း (S-21) ကတ်တွင် ရေးမှတ်ထားသင့်သည်။

◼ ၂၀၀၈ ခရိုင်စည်းဝေးကြီးကို ကြေညာသည့် အထူးဖိတ်ကြားသော လက်ကမ်းဝေစာ ရရှိလိမ့်မည်မဟုတ်ကြောင်း ကျေးဇူးပြု၍ မှတ်သားပါ။ သို့သော် မကြာမီလေးတွင် အထူးကမ္ဘာချီကင်ပိန်းတစ်ခုပြုလုပ်ရန် ကျွန်ုပ်တို့စီစဉ်နေသည်။ ဤအစီအစဉ်နှင့်ပတ်သက်သော နောက်ထပ်အသေးစိတ်အချက်များကို နောက်ပိုင်းတွင် ဖော်ပြပေးပါမည်။