နမူနာတင်ဆက်နည်းများ
ဇန်နဝါရီလရဲ့ ပထမဦးဆုံးစနေ ဒါမှမဟုတ် တနင်္ဂနွေနေ့မှာ ကျမ်းစာသင်အံမှုစတင်ဖို့ ခုလိုပြောနိုင်တယ်
“နှစ်တစ်နှစ်ရဲ့ အခုလိုအချိန်မှာ လူများစွာဟာ ယေရှုအကြောင်း စဉ်းစားတတ်ကြတယ်။ ယေရှုလုပ်ဆောင်ခဲ့တဲ့ အကြီးမားဆုံးအောင်မြင်မှုက ဘာဖြစ်မယ်လို့ မိတ်ဆွေထင်ပါသလဲ။ [တုံ့ပြန်မှုကိုစောင့်ပါ။] စာမျက်နှာ ၁၆ မှာပါတဲ့ ဆောင်းပါးခေါင်းစဉ်ကို သတိပြုကြည့်ပါ။” ဒီဇင်ဘာ ၁ ရက်ထုတ် ကင်းမျှော်စင်ကို အိမ်ရှင်ကို ပေးပါ။ ခေါင်းစဉ်ငယ်တစ်ခုခုအောက်က အကြောင်းအရာနဲ့ ညွှန်းထားတဲ့ ကျမ်းချက်တွေထဲက အနည်းဆုံးတစ်ချက်ကို အတူတကွသုံးသပ်ပါ။ မဂ္ဂဇင်းတွေကို ဝေငှပါ။ နောက်မေးခွန်းတစ်ခု ဆွေးနွေးနိုင်အောင် ပြန်လည်ပတ်ဖို့ စီစဉ်ပါ။
ကင်းမျှော်စင် ဒီဇင်ဘာ ၁
“ဒီလိုအချိန်အခါမျိုးမှာဆိုရင် လူအတော်များများရဲ့စိတ်မှာ ခရစ္စမတ်ပွဲက လွှမ်းမိုးနေတတ်တယ်။ ခရစ္စမတ်ရဲ့ အရေးကြီးဆုံး အနှစ်သာရက ဘာဖြစ်မယ်လို့ ထင်ပါသလဲ။ [စာမျက်နှာ ၃ မှာ ဖော်ပြထားတဲ့ စာရင်းကိုပြပြီး တုံ့ပြန်မှုကို စောင့်ပါ။ သက်ဆိုင်တဲ့ ဆောင်းပါးကို ဖွင့်ပြီး အဓိကကျမ်းချက်ကို ဖတ်ပါ။] ခရစ္စမတ်ရာသီအတွင်းမှာပဲမဟုတ်ဘူး တစ်နှစ်ပတ်လုံး ယေရှုကို သတိရနိုင်တဲ့ လက်တွေ့ကျနည်းလမ်းတွေကို ဒီမဂ္ဂဇင်းမှာ ဖော်ပြထားပါတယ်။”
နိုးလော့! ဒီဇင်ဘာ
“ဒီနေ့အချိန်မှာ လူများစွာကြုံနေရတဲ့ ဖိစီးမှုတွေ၊ ဖိအားတွေဟာ အရမ်းကို များပါတယ်။ လူတွေဟာ ထစ်ခနဲရှိစိတ်ဆိုးလာတာကို သတိထားမိပါသလား။ [တုံ့ပြန်မှုကိုစောင့်ပါ။] ကျွန်တော်တို့တွေဟာ သမ္မာကျမ်းစာရဲ့ ၂ တိမောသေ ၃:၁ မှာကြိုပြောထားတဲ့၊ ဖိစီးမှုအင်မတန်များတဲ့ ခေတ်ကာလမှာ အသက်ရှင်နေရတယ်ဆိုတာ တချို့သူတွေ လက်ခံကြတယ်။ [ဖတ်ပါ] ဒီမဂ္ဂဇင်းမှာ စိတ်မရှည်ခြင်းက ဆိုးကျိုးဖြစ်စေနိုင်တဲ့အကြောင်းရှင်းပြထားပြီး ပိုစိတ်ရှည်အောင် လုပ်ဆောင်နိုင်တဲ့ အကြံပြုချက်တွေပါရှိတယ်။”